انا بصراحه مش عارفه هو دا مكان الموضوع ولا لأ
بس بقالي فتره عايزه اقول رايي في دكتور احمد خيري لاني لما جيت اجمع معلومات عنه قبل ما اروح له ماكنتش بلجا غير لفتكات
المهم انا لفت انتباهي جدا اسلوبه الرهيب في التليفزيون واللي كله احترام وهدوء
وسالت علي مكانه وروحتله
مبدئيا كشفه 100 جنيه قلت بما انه مشهور وتليفزيون وبتاع مش كتير عليه
اول زياره ليه كان ماشاء الله قمه ف الهدوء والاخلاق و(حضرتك ، ويافندم ،ويا حبيبتي )
وقمة الادب والسكينه ويشرح كل حاجه براحه وفايدة الادويه وتاثيراتها وكله
خرجت من عنده في قمة الراحه انا واللي معايا انه رغم ان العياده كانت زحمه شويه والوقت متاخر
الا انه بيتكلم بالهدوء والتأني دا
تاني زياره يعني حاله من الوسطيه يعني مستعجل ف الكشف شويه وسونار علي طول بس لسه مؤدب
خرجت قلت مش مشكله هو بس يمكن مش رايق النهارده شويه
ثالث واخر زياره وكانت دي الخاتمه
مبدئيا جه متاخر عن ميعاده بساعتين لما كل اللي قاعدين كانوا خلاص هيولدوا وساعتين كمان علي ما جه دورنا
فلما دخلنا والدتي بتقوله بتهريج يادكتور يعني نييجي امتي يادكتور عشان نقدر نقابلك بسهوله
ففاجئنا برد في منتهي قلة الذوق (ليه ياماما وهو انا بلعب انتي دخلتي عليا لقتيني برقص ولا ايه) فا ماما سكتت
دخلت يادوب وانا ع الباب لقيت الممرضه بتقولي يلا ع السونار فقلت لها ثواني هسال الدكتور علي حاجه الاول
فلقيته هو بيقولي لا ع السونار الاول يلا (بمنتهي الرخامه)
فقلت له يا دكتور طب ثواني انا تعبانه عايزه اقول لحضرتك علي حاجه الاول عشان لما ببدا بالسونار بنسي اتكلم في حاجه وبمشي
ردت عليا معلش معلش ممكن نتكلم وانتي ع السونار انا مش ملزم اقعد ارغي الاول وبعدين اكشف فانا حسيت انه حد بوشين مش هو دا اللي كان موجود المره اللي فاتت
فا انا استغربت ومعرفتش اردت وطلعت ع السونار
كشف اه النبض تمام والبيبي تمام مافيش مشاكل ايه بئا مالك
قلت له خلاص الحمد لله مافيش انا اساس ماليش نفس اتكلم معاه تاني خلاص اصلا حاسسني انه دكتور سونار بس ماعملش اي حاجه غيره وخلاص مع السلامه
لا سال ع العلاج ولا نغيره ولا لأ ولا وزن ولا ضغط ولا متابعة اعراض ولا اي حاجه خالص
انا كنت متابعه مع دكتور تاني ماكنش بيعدي الهوا مايقولش عليه في كل زياره
مشينا من عنده وانا حالفه اني ماروحلوش تاني ابدا بسبب اسلوبه الغبي دا
لأنه كمان بدات يبقي مادي يعني تحليل كذا في المكان كذا وهو اللي يحدد المكان اللي احلل فيه ويكتب لي اسم المعمل ع الروشته
اشعه نفس الموضوع عند دكتور معين ويكتب لي رقمه وعنوانه ع الورقه زي ما يكون بيقسم معاهم مثلا او ليه نسبه لأنه في كذا معمل احسن او كذا مكان اشعه احسن
فلقيت اني مش طايقه اروحله تاني ولا حتي اشوف برنامجه ومستخسره فيه ال 100 جنيه الكشف ولا حتي كان كشفه 10 جنيه برضوا خساره فيه
**Passionelle** **Passionelle** سوبر فتكات Fatakat 220235 القاهره – مصر