السلام عليكم ياكتاكيت
بصوا ياعيال بقي
انا بما اني داخله علي جواز
وهكون عروسة قريب ان شاء الرحمن وعقالبكوا جميعا, وعقبال فتكات معانا احسن انا حاسة انه خللت كدا بصورتها اللي علي طول بتضحك دي ههههههههه
انا عمري ما طلبت تقييم من حد
ياريت لو عجبكوا الموضوع قيموا عشان هنزل بكره الجزء التاني والتالت انا تعبت اوي انهارده علي ما عملته
بقيه الحاجات والروجات والمانيكرات وهندلع اخر دلع
والبرفانات حبايبي اصلي مجنونة برفنات هههههههههه بس من الاوريجنال وهقلكوا علي كله بس لو لقيت اقبال اسعاد اي بدنجان
يارب الموضوع تثبت عشان انا بجهز وبامر الله هكون عروسة والموضوع دا بالعرايس بس تجهيزاتهم ويارب المشرفة مش تنقله في اي قسم تاني
المهم
بحكم خبرتي وشغلي اللي اشتغلته في المكياج (حاليا بشتغل في مجال تاني بس طبعا الخبرة بقي لسه زي ما هيا بس الاسعار ممكن تختلف شوية
)
هقلكم علي كللللللل حاجة هتلزمكوا في المكياج من الالف الي الياء
بس مش هسامح اي واحدة تستخدم الحاجات دي لغير زوجها
الحاجات دي اسعارها انا حاولت اجيب اللي في متناول الجميع
يعني مش رخيص ومش غالي
انا جايبة لكم حاجات نظيفة
ممكن تكون تقليد بس تقليد نظيف وفيها طبعا اوريجنال
بس مش غالي
اولا هنبدأ بـــــــــ
كريم الاساس
هاتي كريم اساس يمشي مع بشرتك
ونصيحة لو انتي لون بشرتك زي الاجانب كدا هاتي اللون الروز غير كدا اوعي تجيبي هاتي اللون اللي علي بيج
لو اغمق شوية او اكتر او سمرة
بردو هاتي االلون البيج
في بيج فاتح وبيج غامق
وفي بين الروز والبيج
بس ما تجبيش اي لون لونة روز خالص الا لو كنتي زي الاجانب زي ما قلنا
ليه بقي
اولا ياقمر عندك اكييد تحت عينك غامق وحولين الشفايف غامق
لما تبقي لون بشررتك عادية مش خمري ومش فاتحة اوي
كريم الاساس الفاتح دا او الروز
هيزرق عند كل المناطق الغامقة دي
حوالين الشفايف وحوالين العين
تمام
انتي بيتجيبي علي اساس انه هيفتح
لكن هو بيداري اكتر اما لو لونة روز مش هيفتح والا هيداري بالعكس هيجير ويزرق كمان
ثانيا ميكونش تقيل
لانه لو كان تقيل يعني نقطه منه تغرق الدنيا
في ناس بتحب كدا بس انا مش بحبه
دا غير انه مش بيدعك بسهولة علي الوش
كل ما كان خفيف بالنسبة لي كان احسن
في ماركات كتير حلوة اوي
في بتاع سيبال دا تحفة
وفي بتاع ميبيلين mybeline
بس ممكن يكون غالي علي بعض الناس
في بتاع بنكي زون حلو اوي ومش غالي وتلات درجات منه
وفي واحد تاني تقليد ميل بيلين بردو جامد
ودي صورتة
وتقريبا بيكونوا نفس الشكل بخاخ
في كمان ديرماكول
ناس كانت بتشكر فيه
شبه المرهم كدا
ودا شكله
وكلهم خفاف ودرجاتهم حلو
غير كدا ماتجبيش خالص لانه هيكون بتاع ايفربيوتي وكيس مي وبرجوا تقليد طبعا واجات فكسانة جدا
دا نوع اللي هو السايل او الليكويد
في نوع تاني بان ستيك
يعني زي القالب كدا
قطعة واحدة وانتي بتاخددي منه او بتحطي منه علي وشك
اشهرهم واكترهم بيع
دا
ودا درجات
a2
b2
والله ما فاكرة الباقي
ودا بيستعمل كخافي لكل العيوب
يعني ممكن كونسيلر وممكن كريم اساس كمان
وفياشكال كتير منه
بس طبعا كل مكان ماركة كل مكان احسن
ومفيش احسن من سيبال في كل حجاتة
سعره مش غالي اوي غلو الاوريجنال,, وفي نفس الوقت هو اوريجنال
ومونيلا نفس الكلام اصلي بس سعره رخيص
مونيلا حاجاتها وهم بجد
وفي كمان دا بس دا مش حلو خااااالص
الناس محبتوش مش عارفة تقريب تحسي انه ماسك كدا وتفضلي تدعكي في وشك لحد ما تحمر عشان تعرفي توزعيه
في بتاع سيبال حلو طبعا في كل حاجة
في نوع ثالث اسمه الموس
الموس دا عبارة عن ايه
عبارة عن بودرة علي كريم
يعني ما تحسيش انها كريم والا تحسي انها بودرة
بس تحطيه علي وشك كانك تحطي كريم وبعد شوية بيتحول علي وشك لبودرة
ودا في ناس بتحطة في وشها علي انه كريم اساس
وبيكون حلو ,, بس لو اللون مناسب معاكي هيبقي يجمل وهيغنيكي عن كل حاجة هغنيكي عن البودرة وبعدها الكريم
وبعدها الكونسيلر وكل دا
تمام
وفي ناس تانية بتحطة تحت عينها بس كانه كونسيلر وبيكون بردو حلو وبتحط بلاشر (احمر خدود)
وخلاص علي كدا و خلصت مكياجها بردو بيكون حلو
بتاع برجوا تحفة وبتاع مي بيلين بردو جامد
التقليد او الاصلي علي فكرة
الاتنين ماتحسوش بفرق جامد
وبيكون شكله كدا
وفي كريم اساس بيكون بيلمع
دا حلو بردو بيتحط منه بعد ما تخلصي مكياجك وبتحط بس علي عضمتين الخد
وعلي الجبين حاجة بسيطة وبس
بعد ما تخلص مكياجك خالص
وفي ناس بتحطه تحت عينها عشان بيلمع يعني بس دا اسمه عك شوية معلش بس هيلزق لانه كريم مش موس والا بودرة
وفي ناس بتحطه علي جسمها الاكتاف يعني
ودا عادي ينفع طبعا وبيكون حلو بس ما نكترش
ودا بردو بيكون في الوان
في ابيض
دهبي
برونز
فض
روز
ودا عادي جدا مش مهم تختاري لون بشرتك
بس طبعا علي وشك او علي جسمك
مش بيدعك اوي لحد ما يتمسح
لا خالص
تدعكية بحنيه خاااالص لانك لو دعكتي او وزعتيه اوي هيتمسح خالص ياكتاكيت
اختاري اللي يناسب لبسك عادي جدا
بس لو هيغمقك اووووي بلاش منه احسن
وصورتة اهي
الحاجة التانية
البودرة
في المائية وفي العادية وفي اللوس
العادية طبعا بتختاري علي حسب لونك وزي ما عملنا في الفونديشن هنعمل في دا
طول ما انتي مش بيضا اوي بلوندر يعني
شقرا
هاتي اللون البيج
لو شقرا هاتي الروز
لو غير كدا هاتي اللي علي بيج
وبردو في بيج فاتح وبيج غامق
وبيكون فيها كريمي بتاعه سيبال حلوة اوي
وفي التقليد بتاعه برجوا مش أوي بس بتنزل في اشكال منها بتكون حلوة عشان علي طول برجوا كل ما تنزل ماركة يقلدوها فليها كذا شكل
وفي بتاعه اوريفليم حلوة بردو
وفي حجم جديد اسمه الحلة البنات والستات بيستكبروه وبنفس سعر الصغيرة
نوعها مش حلو خالص
احلي ماركات
سيبال هو حلو في كل حاجة اصلا ومش مصدقة انه مصري صراحة
وفي مي بيلين دي
وفي اوريفليم
حلوين اوي
وفي ماركة سوري اسمها مونيلا دي بردو حلوة جدااااا في كل حاجة ومش غالية اوي
في نتروجينا كمان حلوة اوي
وصورتها بتكون شكل كدا
بس دي مش بتاعه سيبال
https://t1.gstatic.com/images?q=tbn:A…tt2h7kMPQSaM0u
وفي بتاعه سيبال بتكون كدا
وفي واحدة كمان لونها بيكون ازرق مش لقيت ليها صورة عالنت
البودرة المائية
ودي ماركات كتيرة منها البودرة الماليزيي سوبر سمر كيك المشهورة بروزيتا او شيري
رغم ان دا مش اسم الماركة اصلا
دا اسامي الدرجات بتاعتها
اللي بيكون لونها احمر د غامق دي
بس اشتهرت بين الناس بالاسم دا
ودي صورتها
ودي ست درجات لكن اشهرها
الشيري وبتكون فاتحة
والروزيتا بتكون غامقة بس محمرة
اغمق درجة فيها اسمهاالاورنج بلش
وبتاخدي اللي يناسب بشرتك
وممكن تحطي درجتين علي بعض الغامقة تحت عشان لو ديفو يتعالج
والفاتحة فوق
وبتكون شكلها لطيف
ودي مش غالية اوي ب30 باين مش فاكرة بالسفنجة او من غير
بس انا مش بحبها ومش استعملتها غير مرة واحدة يوم خطوبتي
بس احتمال كبير اجيبها في جهازي عشان كدا وخلاص
وفي ماركة لبناني او سوري مش فاكرة
اسمها اني كلاين
ودي حوالي تمن درجات
ليا صحبنتي بتحبها موووت وعمالة تشرحلي في التليفون وتوصفلي شكلها ومش فاكرة اسمها عشان هيا عايشة مش في القاهرة
واقلها اني كلاين اول ما قلتلها الاسم ,, كانت هتبوسني هههههههههه
ناس كتير شكرت فيها وقليل اللي مش شكروا وقالوا مش ناسبتهم واتعودوا علي نوع معين
ومش غالية اوي يعني في حدود 30 او 35
ودي صورتها
وفي بتاع مونيلا بردو حلو ومش غالي
مع ان كل حاجة عندهم لونها اورانج بس مش عارفة دي قلبت علي ازرق ليه
بعتزر من صاحبة الصورة لاني مش لقيت ليها اي صورة عالنت الا دي
وفي بتاع سيبال حلوة اوي كانت بحوالي 50 او 40 او 60 مش فاكرة صراحة
بس سيبال حلو اوي
وفي اللوس
ودي علب كبيرة للجسم وبيكون فيها جليتور بيخليها تحفة
والوانها كتير
روز وفضي ودهبي وابيض
طبعا الجليتور اللي فيها هو اللي بيديها اللون دا
وبتتحط علي الجسم والاكتاف
وفي كمان منها المعطرة بتكون بالروايح كمان
ودي صورتها
وفي علب اكبر من دي بس مش لاقيلها صورعالنت
وفي للوش
بتكون علبه بس لوس
متفتته او سايلة او مطحونة زي الناس ما بتسميها
يعني
وفي ناس كتير بتحط منها تحت العين
وطبعا لو لوشك يفضل انك تجبيها مط
وتكون عندك علبه جليتور تحطي عليها براحتك عشان تمشي معاكي عملي اكتر
وفي ناس بتجيب اللي فيها لمعه وبتحطه حولين عينها بس مش شرط في كل وشها
المط للمظهر الطبيعي او لو عندك ضيوف او حاجة ومش عايزة حد يلاحظ انك حاطة
وجوا البيت والسهرات والافراح حطي عليها جليتور
اشكالها كتير
الكونسيلر
زي ما قلنا المنطقة اللي تحت العين دي بتكون غامقة
لازم تجيبها اي حاجة الا اللون الروز
النوع اللي اسمه موس دا بيكون حلو اوي واغلب الناس بتستعمله علي انه كونسيلر
لانك بتحكي تحت عينك حاجة زي كريم كدا وتغطيها ببودرة
وخدي بالك يااما تجيبي نفس الدرجة اللي تحت عينك علي طول يااما تجيي درجة اغمق
ايوة اغمق
انتي بتحطي كونسيلر
عشان يداري مش عشان يعالج
فتخيلي لو انتي لونك اسمر وجبتي بودرة افتح منك
هتعمي معاكي ايه؟؟
هتجير وهيكون باين اوي انك حاجة بودرة وغير كدا هتحسي انك مزرقة او في حبل ملفوف حولين رقابتك او طالعة من المقبرة فورا ههههههههه
يااما تجيبي نفس الدرجة بالظبط يااما اغمق لكن مش افتح
جتلي بنت سمرا سمرا
بس حولين عينها اسمر اووووي
اديتلها لها حاجة غامقة قالتلي لا هتغمقني وكدا قلتلها بس جربية
تاني مرة علي ما جتلي مكنتش فاكراها اصلا لاني من كتر الزباين مش هفتكر
لقيتها بتقلي ايه رأيك ؟؟ بسألها في ايه ؟؟ قالتلي تحت عينك؟؟ مكنش باين خالص انها حاجة نهائي
هو اي نعم سمرها حاجات بسييييييييطة اوي بس مداري السواد وهي فتت اصلا بالبلاشر اللي كانت حطاه يعني والا مسمر والا حاجة
وكنت مدياها الموس
في نوع تاني بان ستيك
يعني زي القالب كدا
قطعة واحدة وانتي بتاخددي منه او بتحطي منه علي وشك
اشهرهم واكترهم بيع
دا
ودا درجات
a2
b2
والله ما فاكرة الباقي
ودا بيستعمل كخافي لكل العيوب
يعني ممكن كونسيلر وممكن كريم اساس كمان
وفياشكال كتير منه
بس طبعا كل مكان ماركة كل مكان احسن
ومفيش احسن من سيبال في كل حجاتة
سعره مش غالي اوي غلو الاوريجنال,, وفي نفس الوقت هو اوريجنال
ومونيلا نفس الكلام اصلي بس سعره رخيص
مونيلا حاجاتها وهم بجد
وفي كمان دا بس دا مش حلو خااااالص
الناس محبتوش مش عارفة تقريب تحسي انه ماسك كدا وتفضلي تدعكي في وشك لحد ما تحمر عشان تعرفي توزعيه
في بتاع سيبال حلو طبعا في كل حاجة
في الكونسيلر الليكويد السايل يعني
زي كريم الاساس كدا وممكن تستخدمي بردو كريم الاساس علي انه كونسيلر
بس احسن نوع كنت بشتغل بيه
هو الموس دا وهم بجد
ومش غالي
واتكلمت عليه في كريم الاساس
وفي كمان
بيكون عامل زي القلم الخشب
قلب عادي بتبري ببرايه
الجزء الثانى
#30
احلام وماتت احلام وماتت فتكات متميزة Fatakat 137628 القاهرة – مصر