اخواتي انا بفضل الله حامل في الشهر الخامس وربنا عوضني بالحمل ده عن بنتي اللي توفت انا ولدتها في الشهر التامن بسبب عجز المشيمه وده بسبب الضغط العالي توفت بعد 3 شهور من الولاده لاسباب تانيه ربنا يجعلها لينا شفيعه ويعوضني ويرزق كل محرومه يارب.طبعا انا كان ضغطي عالي في الحمل الاول والدكتور معالجنيش وحصلتلي مضاعفات وغيبوبه من الضغط في الولاده وفضلت بعدها بالضغط مستمر معايا حتى بعد الولاده .
وطبعا الحمل حصل ومن اول يوم وانا متابعه عند دكتور تاني وهو مهتم جدا بحالتي وطبعا محذرني من الضغط اووووووي وممشيني على نظام غذائي وطبعا ادويه كتير ومنها علاج الضغط اسمه الدوميت .انا عاوزه نتجمع هنا نفيد بعض يعني كل واحده تدخل تقول ضغطها بيوصل كام مثلا وبتاخد علاج ايه وازاي بتحافظ على نفسها من ارتفاع الضغط واي هي احتياطاتها وده عشان نساعد بعض بالنصيحه والعلاج اللازم يمكن واحده تكون مش عارفه ومشاركتك تكون سبب في نجاتها هي وجنينها .ياريت الاقي منكم تفاعل وانا كمان هقولكم انا بعمل ايه وباكل ايه ونتابع بعض لغاية ما ربنا يكرمنا وبكده نبقى ساعدنا بعض في اننا نعدي تجربة الحمل بسلام ونحمي اجنتنا طبعا لانكم عارفين اد ايه الضغط خطر على البيبي ربنا يلطف بينا جميعا ويكملنا على خير يارب .
منتظره ردودكم.
paradise river paradise river 813149_1.gif فتكات رائعة Fatakat 813149 riyadah – saudi arabia
سبحان الله و بحمده