انا عملت عزومه جامده جامده جدي………بجد الضيوف مكانوش مصدقين اني عملت الديك الرومي بطريقه الروستو
قبل ما ابتدي احكي احب اشكر كل الي سالتها بخصوص الديك وردت عليا وخصوصا الفتكات االجميلات سلام مخصوص ليهم وشكر كبير لتعبهم معايا
light40981 +haneen_75 +Cappuccino
انا كمان الطريقه وكل الخطوات اعتبر اتعلمتها منكم هنا كلها حتي طريقتي في التجميل واشكر كل الي ذكرتهم والي عملوا ديك رومي وانا مذكرتش اساميهم يسامحوني عشان مش عارفه اجيب روابطهم او اساميهم بس بشكر الجميع
ندي كام صوره كده تشويق
الديك بتاعي (كان بلدي لحمه احمر) وكان 7 كيلو وانا بوزنه يعني بريشه وكنت خايفه ميطلعش كبير عشان ميكسفنيش قصاد الضيوف
بس الصراحه رمي لحم كتير وشرفني نشكر ربنا
هنجيب الديك ونغسله وننقعه في ميه وملح وخل
انا حطيته في بلاستكه كبيره وغسلته جواها في البانيو عشان الحوض مكافهوش
نيجي بقي لمرحله التتبيل
جبت برتقانه كبيره وعصرتها
وجبت صويا صوص حطيت 4 ملاعق كبار
وجبت 6 حبات حبهان ونص واحده حبه الطيب و6 ورقات لوري ونص معلقه قرفه ومعلقه كاري ونص جنزبيل ونص بابريكا وكام نقطه زعفران عشان اللون ومعلقه بهارات وبصل حوالي 4 او 5 بصلات كبار وكله ضربته مع بعض في الكبه وربع كبايه خل اقل من الربع كمان و3 لمونات وملح بس خدوا بالكم ان البرتقال كافي كماده حمضيه والي مش عايزه تزود الحمضيات تكتفي بالبرتقال
نجيب الديك الحلو بتاعنا ونتبله نقطع اماكن فيه جواه بالسكينه نفتحها يعني بس تحت الجلد يعني متقطعيش الجلد عشان وهو بيستوي ميتبهدلش وشكله يبقي حلو علي السفره وفي التقديم
هيبان اماكن التقطيع في الصوره الجاي بس التقطيع الواضح في الاوراك بس لكن الصدر باقيته قطعته من تحت الجلد ودخلت ايدي بالسكينه وقعدت احشي بايدي جو اللحم
انا عامله بالسهم (بس معلش السهم منحكش شويه)
بعد كده اغطيه في كيس باجكام واسيبه لتاني يوم في التلاجه يشرب من الخلطه
تاني يوم نطلعه ونكتفه(انا كتفته بدوباره تقيله)
بعدين نجيب فويل ونبطن بيه الصينيه وتكون كبيره
وبعدين نجيب 2 ورقه فويل كبار قوي ونحطهم علي شكل زائد شكل صليب يعني ونحطه تحته ونحاوط الديك ونغطيه باحكام ونجيب كوبايه ميه او شوربه بتغلي اوحطه علي الديك قبل ما اقفله واحطه علي النار 5 دقايق لغايه ما الميه الي فيه بالديك يغلوا واحطه في الفرن علي درجه حراره 200 او اعلي شويه حسب بوتجازك
نشوف بقي الديك بعد ساعه ونخرجه ونسقيه من الصوص بتاعه
وده شكله بعد ساعه (وشوفوا التوابل بالبصل لسه واضحه فيه) مواضيع هذا القسم برعاية
sandra bolok sandra bolok فتكات متميزة Fatakat 922381 cairo – egypt