السلام عليكم يا بنات ربنا يتمملكو حملكم على خير يارب ويقومني ويقومكم بالسلامة
انا قريت كذا حد كان بيسأل على اسعار الشروق واجيال وكنت كتبت مرة الاسعار في رد على موضوع لفتوكة معانا فقلت اعمل نوضوع عشان الكل يستفيد
انا في التاسع وان شاء الله ناوية على اجيال ان ماحصلش اي جديد .. وان شا الله احكيلكم عن تجربتي بعد الولادة ادعولي
بالنسبة لأجيال :
فيه 4 انواع من الغرف
1-جناح ملكي .. وده بس يفرق انه كبير وفيه سريرين وفيه 2 فوتيه وحمام كبير كلها زيادات في الغرفة مفيش حاجة زيادة ليكي او للبيبي وحسيته للي عايز حاجة مميزة اوي
ده الطبيعي فيه ب 3100 القيصري ب 3700
2-درجة اولى ممتازة وده فيه سريرين وغرفة كبيرة بردو و2 فوتيه وحمام اصغر شوية ببانيو
الطبيعي 1750 القيصري 2300
3-درجة اولى بمرافق وده انسب حاجة سريرين وغرفة مش كبيرة (هي في الاخر بتبقى ليلة واحدة ان شاء الله وبتمسي 10 الصبح تاني يوم) وكرسي وحمام بس من غير بانيو بس في الدش الواقف ده
الطبيعي 1500 القيصري 1950
ال 3 انواع دول بيبقو شاملين اكل ليكي وللمرافق +مستلزمات للام والبيبي لحد (150 جنيه لو طبيعي) و (450 جنيه لو قيصري مستلزمات للام و 50 جنيه مستلزمات للطفل) +فتح غرفة العمليات
4- درجة اولى ده بتبقى غرفة صغيرة خالص يعني مكفية سرير للام وفوتيه بيتفتح سرير لو حد حب يبات معاكي وحمام خاص طبعا
الطبيعي 1250 القيصري 1600
ده مابيبقاش فيها وجبة للمرافق ولو قيصري بيبقى شامل مستلزمات للام لحد 300 جنيه
5- درجة تانية وبصراحة مادخلتش شفتها بس تقريبا الغرفة بيكون فيها مريضتين فاصل بينهم ستارة ومفيهاش مكان لبيات المرافق
الطبيعي 600 القيصري 950
بالنسبة للمستلزمات ده بتبقى الادوية والمسكنات وادوات العملية وكده
بياخد منك وانتي داخلة 400 جنيه تأمين ولو مااستهلكتيش اي حاجة زيادة بتاخديهم تاني او لو استهلكتي اي ادوية او اي حاجة من الكافيتيريا او اي حاجة للبيبي وزادت عن اللي الحد اللي هما حطينه بياخدو على اده وبتاخدي الباقي وفي كل الاحوال مااعرفش حد الا واما اخدهم كلهم او اخد نصهم او اكتر والباقي كانو استهلكوها المستشفى
هما بيدوا للبيبي هناك من عندهم البامبرز والكحول عشان السرة والبيبي درينك والببرونة الي هياخدها فيها انتي مش محتاجة غير انك تجيبي لبس للبيبي وبس
نسبة للشروق بقى :
عندهم 3 حالات لو ولادة طبيعي او قيصري او لو هتولدي وتمشي في نفس اليوم مش هتباتي بيسموه (نصف يوم)
هما 8 درجات:
1-جناج ملكي
طبيعي 2600 قيصري 3600 مفيش نصف يوم
2-جناح مميز
طبيعي 2250 قيصري3350 مفيش نصف يوم
3- جناح
طبيعي 2024 قيصري 2900 نصف يوم 1000
4-اولى ممتاز أ
طبيعي 1550 قيصري 2350 نصف يوم 750
5-اولى عادي أ
طبيعي 1300 قيصري 2100 نصف يوم 650
6-اولى ممتاز ب
طبيعي 1300 قيصري 2100 نصف يوم 650
7-اولى عادي ب
طبيعي 1200 قيصري 1900 نصف يوم 500
8-درجة تانية
طبيعي 1000 قيصري 1400 نصف يوم 350
الاسعار شاملة فتح العمليات + المستلزمات الطبية
لاتشمل المرافق
المرافق لو في الدرجة الثانية بتدفعيله 30 جنيه
لو في الدرجة الاولى العادية 150 جنيه
لو في الدرجة الاولى ممتاز او في الجناح 200 جنيه
الاسعار مش شاملة اي ادوية او مستلزمات للطفل او المعمل او الاشعات لو لزم الامر
بس بصراحة انا مشفتش الغرف فيها لان مكنش فيه غرف فاضية ساعة مارحت فمش عارفة الفروق مابين العادي والممتاز والجناح
بس الحرف أ ده بيرمز للغرف اللي في الدور الجديد اللي هما عاملينه وبيقولو انه احسن بكتير من غرف الدور القديم الي هي رمزها ب من حيث النظافة والاهتمام وكل حاجة
ربنا ييسرلكم اموركم ويجعلها ولادة سهلة ميسرة علينا كلنا ياااارب
لا اله الا انت سبحانك 15 لا اله الا انت سبحانك 15 فتكات نشيطة Fatakat 572919 alex – egypt