عايزة طريقة للتحكم في الدموع ..
نفسي دموعي تنشف .. انا بقيت حساسة جدا وبعيط على اي حاجة وكل حاجة ..
نفسيتي تعبانة جدا و جوزي بدل ما اصعب عليه ودموعي تستعطفه .. بقى بيقولي انا بتعصب لما بشوفك بتعيطي ..
وكل لما احاول امسك نفسي واقرا قران او افكر في اي حاجة تانية مابقدرش .. بلاقي جسمي كله بيترعش واعصابي بتبوظ وامسك اي حاجة جنبي ارميها او اكسرها وفي الاخر بجري على الحمام اقفل على نفسي واقعد اعيط برضه ..
خصوصا قبل النوم .. جوزي بقى يقولي مسلسل النكد اليومي .. اول لما نطلع على السرير هننام .. افتح مواضيع او اسأله اسئلة تجرنا اننا نتخانق واعيط ..
مخدتي اشتكت من دموعي .. انا متجوزة بقالي 7 شهور عيط عياط يكفي املا منه بحور ..
مابقتش احس ان دموعي غالية عند جوزي ولا ليها قيمة ..
دموعي بالنسبة له بقت ارخص من ماية الحنفية !!
انا عايزة حل للموضوع ده .. كتاب اقراه .. طريقة اعملها .. دوا اخده .. اية معينة اقراها ساعتها ..
نفسي يعدي عليا اسبوع واحد منغير ولا دمعة .. نفسي ابقى اقوى واعرف احبس دمعوي واتحكم في مشاعري
Red Line Red Line فتكات رائعة Fatakat 190937 الكويت – الكويت