فتوكاااااتي حبيباتي كل حياتي
السلام عليكم ورحمة الله وبركاته
سؤالي الله يباركلي فيكم .. ل دكاترة الفسيخ في المنتدي
للي عملوا فسيخ في البيت و عملوا مواضيع حلوه عنه ..
انا عملت وصفتكم والنهاردة نهاية اليوم العاشر
بس لاحظت التالي …
انا الاول بس لافيت ست اكياس جوه بعض زي ما قلتم وبعد كده لافيت الاكياس في ورقة جرايد .. وطبعا في النهاية ورقة الجرايد جوه كمان كيس كبير ولا فيتهم بالتايب ( الشريط اللاصق )
لاحظت ان ورقة الجرايد زي اللى طريت كده .. يعني اصبح زي المبلولة .. فيها رطوبة كده مع العلم اني لسه ما فتحتش علية لسه .. يعني لسه ورقة الجرايد جوه الكيس بس حاسة من ملمس ورقة الجرايد
السؤال هنا .. هل ده معناه ان الفسيخ باظ ولا ده شيء عادي ؟؟؟؟؟؟؟؟؟؟؟؟
السؤال التاني .. هل استنى عليه يومين كمان لان سمك البوري كان حجمه كبير ؟؟؟
السؤال الثالث .. ازاي اعرف انه باظ مني من شكله ؟؟؟؟ لو مثلا فشلت في عمله ؟؟؟؟؟؟؟؟
والله بسألكم لاني قرات من مده عن خطوووووووووووووووووورة الفسيخ الفاسد .. وعرفت انه في افضل الاحوال يؤدي للشلل التام .. او ممكن يؤدي للوفاة لانه يؤدي للتسمم الحاد
ارجوكم لا تستقلوا باسئلتي لاني مرعوووووووووووووووبة وخايفة اتشل
ربنا يحسن خاتمتنا جميعا
بجد ارجوا منكم سرعة الرد وجزاكم الله خير
واللى عندها معلومة تانية غير الاسئلة اللى سالتها تقولها ربنا يجعله في ميزان حسناتها
عشان الكل يستفيد وكمان اللى بيتعلموا يعملوا فسيخ من دكاترة الفسيخ في المنتدي يستفيدوووووووووووووووووووووووا
مواضيع هذا القسم برعاية
ريتا السويفي ريتا السويفي فتكات نشيطة Fatakat 556827 القاهرة – مصر