مساء الخير يابنات
كل سنة وانتم طيبين ورمضان كريم ويعودها عليكم الايام بخير يارب
وحالو ياحلو رمضان كريم ياحلو
واصحى يانايم صحي النوم رمضاااااان كريم
انا فتوكه معاكم هنا
الديانة : مسيحيه
وبطلب من كل اخواتي المسلمين ومن كل اخواتي المسيحيين اننا بكره بااذن الله كلنا نصوم مع بعض رمضان سواء مسلم او مسيحي سلفي اخواني اي مصري
وياريت كل بنت مسيحيه او اي حد مسيحي يتفق مع جاره المسلم او صديقه او اي حد مسلم يعرفه انه هيصوم معاه بكره رمضان ويعزم نفسه كده رخامة على الفطار مع اخواته المسلمين رخامة كده هههههههه
وانا ابتديت بنفسي ودعيت كل اخواتي المسلمين اني افطر معاهم بكرة رخامة في الجامعه عندنا وانا هبتدي اصوم بس موعدكوش هتسحر الفجر انا هصوم من قبل الفجر لحد الفطار وهفطر مع اخواتي المسلمين
بالنسبة بقى للمسلمين ياريت كل واحد مؤيد او كل واحد معارض من المسلمين يروح لاخوه المسلم سواء كان مؤيد او معارض وياخده بالعافيه يعزمه على الفطار مؤيد ومعارض ليبرالي وسلفي واخواني وديه بقى مش رخامة ديه بلطجة لا مؤاخده ههههههههه
وكل سنة وكل الامة الاسلاميه بخير وبصحة وسلامة
وانا بطلب من الاداره انا هعمل الموضوع ده في كل اقسام المدونة علشان المدونة كله يشوفه وياريت ميتقفلش رجاء
دعوة حب وتصالح بين المسلم والمسلم والمسلم والمسيحي
من الاخر كده ديه دعوة حب وتصالح بين المصري والمصري والمصري في الشهر الكريم ده
ورمضان كريم يامصريين
roona roony roona roony 575049_2.gif فتكات رائعة Fatakat 575049 القاهرة – مصر