السلام عليكم
يابنات ياريت اللى عندها معلومه تفيدنى
دلوقتى اختى عندها تمكيس هى عندها 21 سنه متجوزه من 8 شهور هى عندها من قبل ما تتجوز
و الدوره من يوم ماجتلها و هى غير منتظمه كانت بتغيب ممكن سنه و تيجى لو مااخدتش حاجه و روحنا لدكاتره كتير
كانوا بيكتبولها حبوب منع الحمل تمشى عليها الدوره تنزل و لما توقفها ترجع ماتجيش
روحنا لكذا دكتور قالولنا لما تتجوز تتعالج مينفعش تتعالج دلوقتى
بعد ما اتجوزت راحت لدكاتره كتير و برضوا البريود لحد دلوقتى مش بتنزل غير ببرشام او حقنه
لكن مابتجيش لوحدها
الدكاتره بيدوها منشطات اخر دكتور ادها منشطات و مافيش استجابه
التبويض وحش اوى و المشكله الاكبر انها رفيعه جدا حوالى 50 كيلو ده لما اتجوزت قبل الجواز كانت 48
و اخر حاجه الدكتور عادل فاروق البيجاوى راحتله عملها تحاليل هرمونات لقى هرمون lh عالى جدا 25
و قالها ان حجم المبايض كبر عن الرحم بسبب شده التكيسات
كتبلها سيدوفاج و حبوب منع الحمل و علاجات تانيه و قالها لازم تعمل منظار
بعد 3 شهور قالها هايعمل منظار على مبيض واحد علشان مايحصلش التصاقات
احنا مش فاهمين حاجه
و هى معرفتش تستفسر منه
هى العمليه دى صعبه اوى اصل اختى دى ضعيفه جدا و عندها سيوله و احنا خايفين
و هى بتتعمل ازاى يعنى من البطن و له ايه ؟
ياريت اللى تعرف تفيدنا اللى يكرمكم
nada eslam nada eslam images/avatars/questionsm.gif فتكات هايلة Fatakat 267945 القاهره – مصر