السلام عليكم ورحمة الله وبركاتة
فتوكاتى
النهاردة معادنا باذن الله مع الدرس السادس
مع اكلة سهلة جدا وخفيفة وتنفع لاى واحدة بتعمل رجيم
النهاردة باذن الله تعالى
ميعادنا مع استيك الدجاج المشوى بالتتبيلة الروعة
بس الاول
قررت عمل دروس للطبخ البيتى للفتوكات المبتدئات اول درس شوربة اللحمة بالصور
ورجعت بالدرس التانى للدونات من دوروس الطبخ البيتى الشامل من ام مريومة ومعاذ
الدرس الثالث من تعلم الطبخ البيتى الشامل سلطة الكرنب بالسماق وسلطة الطحينة
درسنا الرابع كفتة الحاتى على الفحم او الفرن لدروس الطبخ الشامل من ام مريومة ومعاذ
الدرس الخامس كيكة من مطبخ ام مريومة ومعاذ بالصور الكتير
نبداء بسم الله الرحمن الرحيم
المقادير
2 صدور دجاج منزوعة الجلد والعظم
التتبيلة الحلوة جدا
2 معلقة كبيرة كاتشب
12 علبة زبادى
ملح
فلفل اسود
شطة
12 معلقة صغيرة بابريكا
6 معالق زيت
عصير ليمونة صغيرة
2 ملعقة خل
رشة جنزبيل (رشة يابنات مش اكتر)
2 معلقة صويا صوص
14 معلقة صغيرة جدا ثوم بودرة(ممكن 2 فص ثوم فريش مفروم)
14 معلقة صغيرة جدا بصل بودرة
الطريقة
ننقع الدجاج بالتتبيلة فى التوابل اللى فوق
يفضل قبلها بيوم
لو هتعمليها على الفحم
تحطيها مع الاستمرار فى التقليب وكل لما تقلبيها
تجيبى فرشاة وتمسحى الفرخة بالتتبيلة اللى كانت منقوعة فيها
الى ان تستوى
*اما لو هتعمليها بالفرن
يبقى تجيبى صينية فرن وتحطى فيها الفراخ بالتتبيلة كلها
مع 14 كوب صغير ماية(ممكن الاستغناء عنة لو انتى شايف ان الصوص او التتبيلة تكفى لسواء الدجاج)
وتغطى الصينية بالفويل
وتوضع بالفرن لمدة من نصف ساعة الى ساعى الا ربع
وبعدين نشيل الفويل
وتوضع تحت الشواية مع التقليب حتى تتحمر
وتقدم مع بطاطس بيورية
وعيش
وسلطة خضراء
وبطاطس شيبس او مقلية
………………….
المشاركة الأصلية كتبت بواسطة وجه برىء وحلم جرىء 
تسلم ايدك ياقمر ربنا يخليلك اولادك امين
قوليلى بتكون مستويه حلوو؟ طيب ممكن مثلا اجيب الصدور دى واقطعها ارفع ولاهى حلوة كده لانها بتتباع جاهزة الصدور
سوال كمان هى بتتاكل ازاى اقطعها يعنى قطع قبل الاكل ولاايه السلام عليكم
الاول الصدور انا بجيبها جاهزة انا بس بفردها فردة بسيط مبخليش سمكها لا تخين ولا رفيع
بتتاكل انك ممكن تسيبيها كدة وكل فرد يا خد الشريحة بتاعتوا
او ممكن تقطعيها شرايح زى الشاورمة وتحطيها فى طبق عادى وكل فرد ياخد اللى يكفية
او ممكن تقطع شرايح وتتعمل سلطة دجاج بتبقى تحفة
وممكن انك تعملى مكرونة وبعد لما المكرونة تستوى تحطى شرايح منها على وش كل طبق مكرونة
بالنسبة للزبادى انا فعلا حاطة زبادى فى التتبيلة مكتوبة عندك فوق
بالنسبة لسؤالك انك هتعمليها بالفرن انا شرحا فوق ازاى تعمليها فى الفرن
عايزة دعوة حلوة كدة بصلاح الحال
ويباركلى فى زوجى واولادى
ومتنسوش التقييم
مستنية التطبيقات
استنونى فى الجديد باءذن الله تعالى
مواضيع هذا القسم برعاية