اولا اهلا بكل البناويت الحلوات المقلبظات
انا واثقة ان كلكوا قمامير بس اكيد لو خسينا هنبقا حلوين اكتر
بس الدايت ممل اوى ومفيش حاجة بتشجع
مش مهم احنا نشجع بعض:sFun_che erleader2:
احنا اكتر ناس حاسين ببعض لاننا بنعانى من نفس المشكلة
يبقى لازم نشجع بعض عشان نتغير للاحسن
مش هنتغير عشان نعجب حد
ولا عشان الناس تبطل تريأة علينا
ولا عشان نلاقى هدوم تيجى مقاسنا
لااااااااااااااااااااااااااا
احنا هنتغير عشان نفسنا عشان نبقى احلى فعيون روحنا مش فعيون الناس
عشان صحتنا تكون كويسة ومايجيلناش امراض
عشان ربنا مخلقناش كدة
ربنا عايزنا حلوين ومبسوطين وعايزنا نخلى بالنا من صحتنا
هتقولولى مال دة كله ومال Diet Academy
اقولكوا بس براحة عليا شوية
الاكاديمي دى هتكون الجروب بتاعنا
هنتابع فيه مع بعض لحد مانوصل ان شاء الله لهدفنا
ونظامها هيكون زى نظام ستار اكاديمى بالظبط
قولتولى ازاى
اقولكوا انا ازاى
يعنى ان شاء الله كل اسبوع هيكون عندنا top 5
ودول اكتر ناس التزموا وكتبوا اليوميات وعملوا رياضة واكتر ناس خسوا طبعا
وكمان هيكون عندنا نومينيه
ودول اكتر ناس مكانوش ملتزمين بالدايت
والبرايم بتاعنا هيكون يوم الاتنين
ودة اليوم اللى هنتوزن فيه ونعرف نتيجة الاسبوع كله
اكيد فى ناس بتقول دة اسمه تهريج مش دايت
هقولها يعنى هو الدايت دة لازم يبقى كاتم على نفسنا؟!!
ليه مانعملش دايت واحنا مبسوطين ونفسيتنا كويسة ومرتاحين
بالعكس دة هيساعدنا اننا نلتزم واننا نصبر لحد مانوصل للهدف
نرجع تانى للاكاديمي
مدة الاكاديمي بتاعتنا هتكون 180 يوم من بكرة لحد اخر 2024 ان شاء الله
اللى هتلتزم طووووول المدة دى هتدخل السنة الجديدة بشكل جديد
حياة جديدة و روح جديدة وهتكون كل سنينها الجاية احسن من اللى فاتوا ان شاء الله
تخيلوا ان الوزن اللى زدناه طول السنين اللى فاتت ممكن ننزلة بس ف 180 يوم
الهدف من الاكاديمى بتاعتنا مش انها تكون موضوع متثبت عالمدونة
ولا ان يكون فيها اعلى نسبة مشاهدة
اطلاقا
الهدف انها تكون مكان نساعد فيه بعض ونهون فيه على بعض
ونحقق فيه حلمنا ونغير فيه حياتنا::
مش مهم عددنا كام انشالله حتى نكون 3
بس هنبقى اتصاحبنا وخسينا وقضينا وقت حلو كتيـــــــــــر مع بعض
انا رغيت كتيــــــــــــــــــــــــــــر اوى
بس كنت عايزة افهمكوا الفكرة
الاكاديمى هتبدأ بكرة
مين هتبدأ معايا؟
انا طبعا نفسى كلكوا تشتركوا عشان نشجع بعض
بس اكتر حاجة تهمنى ان اللى هتشترك تكون ناوية تخسمش يوم اة ويوم لا
زى ماقلت مش مهم العدد المهم الفايدة اللى هتعود علينا
اللى عايزة تبتدى تسجل معانا عشان اسجلها عندى ونبتدى بكرة ان شاء الله
المطلوب
الاسم السن الطول الوزن الهدف
لو محدش اشترك معايا انا هشترك مع نفسى
وابقى انا دايما التوب ون
واقعد اكلم نفسى
وهتبقوا انتوا السبب فجنانى ويطردونى من البيت
وممكن كمان لما يلاقونى مجنونة يطردونى من المدونة
شفتوا لو ماشتركتوش هيجرالى ايه
يبقى اشتركوا عشان تنقذونى من التشرد
يلاااااااااااااااااااااااااا عايزة كل البنات تكتب البيانات
وكلوا كل اللى انتوا عايزينه عشان من بكرة فى التزام
فتوكة صغنتتة فتوكة صغنتتة images/avatars/pacifier.jpg فتكات هايلة Fatakat 236369 فأحلى بيت فالدنيا *بيتنا* – مصر
سبحان الله و بحمده