ازيكم يااجمل فتوكاااااااااااات فى الدنيا يارب تكونوا بخير يارب
شوفوا بقى انا دايما بحاسب فى اكلى علشان خاطر رشاقتى وجسمى وبما ان الواحد داخل على جواز
لازم يحافظ اكترر واكتر بعده عشان نبقى موززززززز كدة عالطول حتى مع الحمل والولادة
شوفوا بقى انا بعمل ايه؟؟
ممنووووووووووووووووووووع منعاا باتا (السكر العادى) وبستبدله ببرطمان سكر فركتوز من الصيدلية
ب18جنيه ووممتااااااااااااز ونفس طعم السكر العادى وشكله وبرده مش بحط منه كتيير يادوبك معلقة او معلقة ونص فى اليوووووووووم بس لو حنكتر يبقى معلقتين وخلصت او نستعمل سكر سليمر بس مكلف والبكتات
بتخلص بسررعة وطعمه مش اوووى
ممنووووووع نهائيا السكريات والحلويات والعصائر والمياه الغازية والشكولاتات والشيبسيات وجميع
انواع المسليات (لب فول سودانى حمص فشااار طبعا ايس كريم )كل ده ممنوووووووووووووع تماما
اشربى اى حاجة دايت زى بيبسى دايت كدة كلى فاكهة وبرده مش اى فاكهة تفاح كمترى برتقال يوسفى
بطيخ كنتالوب كيوى جوافة( بكميات برده ثمرتين فقط يوميا)
لو كنتالوب او بطيخ كلى نص كنتلوب او نص بطيخة عاااااااادى لو صغيرين او اشربى عصائر فريش بدون سكررر او ممكن نحليه بسكرنا الدايت
حذارى من الدهوووووووون (اى حاجة محمرة او مسبكة او فى الفرن بسمنة او زيت )
كل اكلنا سوتيه او نشوح الخضار ونحط عليه بصلة ونعمله سوتيه بيبقى طعمه يجنن والله
واللحوم والفراخ والاسماك لاما مشوى او مسلوق فقط
الاكل المسموح به (زبادى " لبن خالى الدسم " شريحة لانشون حلوانى " شريحة جبنة رومى " 2قطعة سوسيس مشوح فى تيفال " جبنة بيضة قديمة مش برميلى او فيتا) وكله بدون عيش نهائى
ممنووووووووووووووع العيش اى نوع عيش حتى السن كله حااااااااااف
( اكلات ومشروبات حارقة للدهون) السناكس المسمووح بيها وينوز او تشيوس كرانشى اندومى بس منكترش الحاجات دى يابنات بتساعد ع حرق
الدهون وشوفت الكلام ده فى برنامج د/اوز اللى بعشقه وبتابعه
كمان الايس كريم لو كلتى منه مرة اسبوعيا كوب صغير بيساعد ع حرق الدهون برده ولكن دون افراااااااط
(القهوة ) يابنااااااات ممتازة لحرق السعرات والله فظييعة
المياة المثلجة والشطة والفلفل الحراق كل ده بيحررق سعرات والله عن تجرررررربة
عااامل مساعد وهو شااااااى الاسد بتجيبه من اى صيدلية ب12تقريبا وبتشربى منه كوباية يوميا بعد مانغليه ونصفيه او نعمله كشرى عادى زى الشاى وهو عبارة عن اعشاب بتعمل اخراج سريعا(اسهال)
بس حذااااااااااارى انك تخرجى بعد ماتشربيه من البيت لازم تكونى فى البيت نظرااا لانه مفعوله قووى وسريع لو اكلتى اى حاجة بتجرررررى ع طول ع الحمااااام وع فكرة الشاى ده امممممن جدااا ومجرباه ومصرح من وزارة الصحة ولااااااااااازم تكونى ماشية ع دايت وانتى بتشربيه زى ماوضحت كدة
لان فى ناس ممكن تجيبه وتشربه بدون دايت وتقول انا كدة حخس مستحيييييييييييل تخسى اه حتعملى اخراج
انما مش حتخسى لازم داااااااااااايت يابنات وينفع جداا فى حالات الامساك المزمنة للحوامل الخ
عامل مساعد اخر التمارين الرياضية فى الجيم لاااازم تشتركى فى جيم وتروحى مرتين اسبوعيا
عشان تحافظى ع رشاقتك وشكل جسمك
او المشى لمدة ساعة يوميا او يوم ويوم صدقونى حيفرق معاكم كتييييييييييييييير اووى
وشكرا ليكم وقيموااااا لو عجبكم موضوعى وادعولى بتعجيل زواجى فى رعاية الله حبايبى
تكفيني الذكري تكفيني الذكري 392188_33.gif برنسيسة فتكات Fatakat 392188 القاهرة – مصر