أخيرا وبعد طول انتظار …. الحمد لله رقبتى خفت
وعلى رأى المثل إسأل مجرب ولا أييييييييييه
"ولا تسألش طبيب"
تمام كده
نحكى من الاول … مره من المرات لا بى ولا على رقبتى وجعتنى
شد عضلى بسيط جدا من غير اى اسباب
لفيت رقبتى بشال وحطيت سخن وساقع ومراهم ….ولا شئ
انا اصلى بخاف من الدكاتره
وبعد 10 ايام من المعاناه …. طبعا الم فى رقبتى وصداع فظيع وكنت حاسه ان رقبتى مش قادره تشيل راسى
أخدت القرار ورحت للدكتور
كتب لى حبوب … فى الواقع علبتين وكل علبه مسكن
وانا بترعب من المسكنات
الالم راح بس كنت ابطل الحبوب ترجع تانى
الحل النهائى
خالى مدرب سباحه وبيشتغل شويات فى العلاج الطبيعى
المهم
عملى ايه بقى
حاجه اسمها الصدمه العصبيه انتى تحطى ساقع قوى بعدين سخن قوى يقوم المخ يحس بخلل فى منطقه معينه يروح يجمع فيها الدم وكده تطيب ان شاء الله
اولا تسخنى ميه بحيث انك تقدرى تحطيها على ايدك 2 دقيقتين من غير ما تتلسع وتحطيها فى كيس
ثانيا شويه تلج برده فى كيس
تحددى بالظبط مكان الالم وطبعا ده الشد العضلى بس "يعنى مش الم فى العمود الفقرى"
حطى الكيس الساخن على رقبتك مده دقيقتين
بعدها الساقع وهكذا بالتناوب
قولى تلت ساعه
بعدها حطى مرهم اسمه روبالجين هتلاقيه فى الصيدليه ب 2 جنيه بس
هتحسى بعد المرهم ده كان فى شطه على رقبتك
شويه وهتهدى
ولفى رقبتك كويس بحيث تكون بعيده عن الهوى والبرد
لو عملتى الموضوع ده الصبح مثلا استنى لبلليل واعملى نفسه بس ميه سخنه بس
واليوم اللى بعده مرتين كمان
وادعى لى
وماتنسيش ان اسباب الشد العضلى هو الارهاق وقله شرب الميه
وحافظى على رقبتك من القعده الغلط
وربنا يشفينا جميعا
en_swety en_swety فتكات رائعة Fatakat 424924 المنصوره – مصر