صباح الخير يا فتوكات يا قمرات عاملين اية ؟؟ وحشتونى من امبارح للنهاردة ……….
انا طبعا مش فتوكة جامدة اوى كدة بس بردة انا فتوكة حتى لو على ادى
عشان كدة قلت اقدم كام نصيحة يا رب يفيدوكم اخواتى فى الله …..
ياللا نبدا بسم الله :-
1- لما تعملى الكفتة المشوية تاخدى تفل البصل وبس لان المية بتخليها تفك منك واوعى ترمى الميى بلى ايدك بيها وانتى بتصبعى
ولما تصبعى ممكن تبرميها على قلم مخصوص ونضيف لية بقى ؟؟ لانك كدة لما تحطيها فى الفرن البخار يخرج من قلبها وهى تستوى من جوة وبرة
وكمان يا فتوكة لما تدخليها الفرن تحطى عليها باقى مية البصل ومعاها كمان مية طماطم دة بيديها طعم حلو اوى ومش بتفك لان المية هنا ( مية البصل والطماطم طبعا ) حواليها مش فى قلبها وتدخل الفرن على طول وعلىما تطلع تكونى ولعتى فحمة حلوة ع النار كدة وتطشيها على زبدة او زيت نضيف مش بتاع القلى وتقفلى الصينية 10 دقايق وتاكلى وتدعى لى
2 – لما تقلى السمك الفيلية تبلية الاول لمدة ربع ساعة بالتتبيلة اللى هقول لك عليها ( يت درة او عباد – ملعقة خل –
عصير ليمونة – ملعقة صغيرة دقيق – توابل ملح كمون كسبرة ناشفة كارى وكركم ودول بيدوا لون رائع ثوم مدقوق معاة فلفلة حامية حلوة كدة) وبعد كدة ساعة القلى الزيت يكون سخن طلعى من التتبيلو وبردة مش تنزليها اوى ولا تسيبيها خالص وتحطى ع الدقيق ثم ………… خلى بالك بقى على طبق عميق فية مية ايوة ما تستغربيش جربى بس وماتسيبيهاش فى المية كتير يدوب تنزليها وتطلعيها على طول وعلى طول بردة ع الزيت ماتخافيش
وهتطلع مقرمشة من برة وطرية من جوة وطعم التتبيلة فيها اية ممممممممممممم جنان
3 – لما تعملى البشاميل للمكرونة لو قدرتى تحطى شريحة او اتنين من الجبنة الشيدر النيوزلاندى فية هتخلى القوام هايل وكمان الطعم مش قادرة اقول لك بيبقى خيال
4 – لما تعملى كباب الحلة سيبى اللحمة لوحدها على النار الاول من غير اى مواد دهنية تجيب ميتها وتشربها وبعد كدة تحطى المادة الدهنية وتحمريها اوى
وبعد كدة تنشليها من الحلة وتحطى البصل المفروم الكتير مكانها ومعاة مكعب مرق ياخد طعم اللحمة ويتحمر وبعدين تنزلى تانى باللحمة وسيبيهم يستووا
التكة بقة خلى بالك تكونى بردة محضرة فحمة وبنفس الطريقة اول ما تطفى النار طبعا يا فتوكة دة اسمة كباب
ومش فاكرة اكتر من كدة النهاردة اوعدكم اول ما افتكر حاجة هقولها على طول
اوعوا تنسوا التقييم والاهم منة الدعاء بصلاح الحال والشفاء لى ولامى بالله عليكم ………. بحبكم فى الله مواضيع هذا القسم برعاية
moteah moteah images/flowersavatars/avatar0025.jpg فتكات حبوبة Fatakat 362834 القاهرة – مصر