بسم الله الرحمن الرحيم
السلام عليكم يافتوكات طبعا انتوا استغربتوا من العنوان بس الحقيقه هو ده اللى حصل اختى من اسبوع كانت لسه قايمه من ولاده قيصريه واول يوم كانت جعانه قوى وممنوع عنها الاكل طبعا المهم الدكتوره قالتلها تاكل زبادى وعيش فينو طبعا مكدبناش خبر وبسرعه جبنالها الزبادى بس مش البلدى جبنلها المعلب طبعا علشان معقم جدا وعلبه والتانيه وطاااااخ ولقينا القرف كله العلبه مليانه صراصير اشى صغيره على اجزاء من الارجل على الاجنحه والله ده اللى حصل طبعا كلنا اتقرفنا وشفنا تاريخ الانتاج كان سليم والعلبه كانت سليمه يبقى اكيد العيب من المصنع على العموم انا بقولكم علشان تخلوا بالكم من صحه اولادكم وكمان صحتكم
نوع الزبادى هو( جهينه)
انا بستخدم لولادى نوع تانى لانهم مش بيحبوا جهينه بس خلاص انا قررت اعمل الزبادى فى البيت مالها عمايل البيت على الاقل نضيفه ومضمونه انا عارفه انى طولت عليكم بس كان لازم اقولكم علشان تشوفوا قله الضميروالجشع اللى بقى عند الناس اللى مش بيراععوا ربنا فى عملهم وحسبنا الله ونعم الوكيل فى كل واحد معندوش ضمير وبيغش الناس وشكرا ليكم يافتوكات واسفه على الأطاله
lolitaa lolitaa 69216_1.gif فتكات نشيطة Fatakat 69216 بلدى – مصر