انا كنت مرعوبه وعملت موضوع
https://fatakat.univanet.com/#5215914
انا مش بحب دكاتره الاسنان وكنت مرعوبه اوى ومكنتش بنام
وبما انى فى غربه رحت كشفت السبت وحدد ليا الخلع الخميس الساعه 9 الصبح
وطول الايام بقى مكنتش بنام
لحد ما جه اليوم الموعود صحيت جوزى الفجر قولتله انا مش هروح والى يحصل يحصل
قالى دى خلع ضرس
المهم رحت المستشفى واول ما شفت الدكتور وصل
قلبى قعد يدق يدق يدق وتقريبا قريت كل القران والاحاديث والادعيه
وندو على اسمى ودخلت ومش لحقت اقعد قالى اتفضلى
طب يا دكتور انا خايفه حطلى جل قالى ماشى حطلى جل وبعدين حقنه هى مؤلمه بصراحه بس مش للدرجه
الى تصورتها وكمان الجل هون الموضوع شويه
وفضل يعمل فى ضرسى ساعتين الاربع قولتله هو مش عايز يطلع قالى الضرس متبت
بصراحه الدكتور تعب وفى الاخر قالى خلاص هنضف وهنقفل قولتله ماشى
وقالى تعالى بعد 10 ايام لو الخياطه مش اتفكت هنفكها
ادعولى بقى ان الخياطه تفك ومش تتبت زى الضرس
عاشقه امى عاشقه امى 611195_1.gif فتكات متميزة Fatakat 611195 المحله الكبرى – مصر