االسلام عليكم انا بقالى فترة بعيدة عن المدونة لاسباب المرض
انا بقى جايبة لكم طريقة من الفلفل الاحمر سواء العادى او الشطيطة اللى مالى السوق الايام دى
هتجيب نص كيلو فلفل احمر شطيطة على العادى بتاعنا بس يكون لونه احمر و تغسليه كويس جدا و تتركيه لما ينشف من المية كويس اوى
و بعد ما ينشف تفرميه فى كبة الخلاط لغاية ما يبقى زى البصل المفروم و بعد كدة تجيبى ملقعة توم مهروس كويس معلقة كبيرة و تقلبيها معاه و شوية ملح و معلقة كبيرة كمون و ملعقة كبيرة خل و تقلبى كل دة مع بعض كويس اوى و بعدين تعصرى حوالى 5 ليمونات كبيرة على الخلطة دى و لو حابة تزودى الليمون بيكون احسن و تقلبى تانى هتتكون عندك خلطة تحفة لكل اكلك على الفول او البتنجان المخلل او المقلى هتجيبى البتنجان الطويل بتاع الحشو اغسليه و افتحى فيه فاتحة كأنك هتحطى جواه خلطة و اقليه و بعد القلية حطى الخلطة دى فيه هتأكلى صوابعك معاه
على فكرة بتجيبى الخلطة دى تحطيها فى برطمان يكون ناشف من المية كويس اوى و تحطيها فيه و على الوش تحطى زيت علشان يفضل كويس و تحطيه فى التلاجة لما تحتاجيه تانى هتلاقيه
يا رب يعجبكم
منتظرة الردود الحلوة مواضيع هذا القسم برعاية
حنيين الذكريات حنيين الذكريات فتكات متميزة Fatakat 103537 اعيش فى مصر ام الدنيا – مصر ام الدنيا
سبحان الله و بحمده