تعبت بجد اوي من 2024 وانا مع الدكاترة وكل شوية دكتور مشهور في المجال ده اروحله عشان الدورة مجتنيش خااااااااااالص وكل واحد يطلب مني اشعه شكل اشعة بالرنين و CTA الرنين دي عملتها 4 مرات والعجب ان الاربع اشاعات عكس بعض وكانو في سنة ونص اول مرة لايوجد رحم ولا توجد مبايض
فالدكتور مصدقش قاللي اعملها في مكان مششهور وهو بيثق فيه طلعت بعدها باسبوعين الرحم حجمه 6.2سم والمبايض حجمها طبيعي وبس هرمون الحليب اللي في تحليل الهرمونات عالي شوية وعالجه المفترض واخر لما زهق كنت بنت كان عايز يكشف عليا عشان يعمل عملية بيفتكر ان البريود مش عارفة تنزل طبعا رفضت وقاللي هديكي شهادة بكدة رفضت ومشيت روحت لواحد تاني بتاع اشعه اصلا بجانب التخصص ده ومشهور جداااااااا مرة قاللي ان الرحم طفولي ومرة طلع عندي تكيس ومرة لا ده بيتحسن ومرة لا ده بيكبر ومكنتش الفرحة سايعاني ومرة لا هو ايه اللي بيجري طيب انا هجيب استف ويكشفوا عليكي برده سبته وروحت ور وحت وكل ما اقعد مع نفسي ابص في الاشعة ببقي هتجنن كل واحد عكس التانية نهااااااااااااااائي وقلت مش هتجوز كانت فيه واحدة جارتنا بحبها اوي كانت بتقعد مع ماما وحبتني اوي وقالت لوحدة جارتنا تاني انا حالفة مااخرجها من بيتي كنت عايزة اقولها وكسة المهم رفضت ابنها الكبير وقولتلها اوعي تزعلي مني وبعدت شوية عني المهم سمعت عن دكتور تاني قالو برده انه كويس روحتله ومشيت علي علاج 3 شهور وبعدين كنت في الحمام وبعد ماخلصت لقيت الحمام كله دم ومش من مخرج البريود روحت للدكتور قاللي دي كلها اختبارات واهية هي دي البريودفرحت اوي وقاللي خلاص كده الرحم هيكبر ووالله ماهقدر اوصف مدي الفرحة خصوصا ان قبلها دكتور في مستشفي الدمرداش كان الكتور عايز الاشعة من هناك قاللي ايه شوفتي لما بيمشي بني ادم في الشارع معوق قولتله ايوة قاللي هو ده الرحم بتاعك انسي انك تخلفي او الدورة تنزل خرست ونفسي مبقاش داخل تحت النقاب واخويا دخل اتخانق معاه خرجت في الشارع ومبقتش عارفة اعمل المهم جه بعدها كلام الدكتور عايزةاقولكم ان امي زغرطت المهم جت نفس الجارة تقولي عن ابنها التاني طبعا كانت حجتي ان الاول كان بيشرب سجاير طيب التاني لا بيشرب سجاير ولا اي حاجة وملتزم وووووووو…………… صفات مش لاقية حجة خالص وبعدين كلام الكتور فرحني قاللولي اعملي استخارة وحلمت ان انا وهي بنشري قماش وانا عجباني قماشة هي قالتلي لا بصي الخامة اللي في ايدي دي وتعالي لده لقيتها اتقطعت في ايدي اللي انا كنت عايزاها وقمشتها هي شكلها حلو اوي وخامتها برده صحيت قولت لاختي قالتلي كده يعني خير وهما كانو منتظرين صلاة الاستخارة
المهم ماما مكنتش عايزاني اقولها وكل البيت حتي بابا انا قولتلهم لا انا مش قادرة اتعب كل شوية ودي امانة اخدت جارتنا علي الاوضة وحكيت كل شئ بالتفصيل حتي والله ماخبيت عليها كلام دكتور الدمرداش لقبيتها بكت وخدتني في حضنها وقالتلي سبيها عليب ربنا قولتلها برده قوليله واحساس ربي وحده اعلم بيه انك تنظري انتي الرد
وفي نفس الدقيقة جت وقالتلي هو عايزك من غير اي حد مصدقتش نفسي اني اخيرا هرتاح عيال جت مجتش مش مشكله واتاريه كان بيشوزفني قبل النقاب وانا والله حتي مااعرف ملامحه واتخطبنا وبدا يجيلي مغص وضيق تنفس كان قاللي الدكتور الاولاتني لو معملتيش العملية ده هيحصل ورم ويتحول مع الوقت لخبيث وهتتعبي بقت كل يوم عربية تيجي من المحطة بابا يصحي يجبها ويجي من احلي نومه يصحي وخطيبي وماما وحماتي صراحة ساعتها كنت لما بدوخ كانت بتنزل تحتي عشتان مقعش علي الارض وانا بحبها كمان اوي المهم قالو لازم الدورة تنزل اتخطبت كانت22016 وبقت الفترة ده كلها علي الكتور الاخير اللي بشرني بس مش عارفه اللي جه ده دورة ولا لا وفضل كل اسبوع يعملي سونار يقولي الرحم بيكبر وقاللي قبل الجواز تقوليلي انك قربتي ونسيت وروحتله امتي تتخييلوا كده تاني يوم جوازي انزل من الشقة اللي هي الصباحية اللي هي من ستين يوم وعملت عمليه عنده لاني كنت تعبت اوي المهم انا وفي البنج وجوزي بيصلي عشان كان خايف عليا واختي الكبيرة اللي هي امي التانية وامي واخويا وحماتي ندهلهم نفس الدكتور اللي خلاني اتجوزت ورميت الحمل اللي عليا وكل مرة الاقي دم يقولي هي طب مش من نفس المخرج لا هي يقولهم ايه استحاااااااااااااااااااااااااااااااااااااااله تخلف ولا الدورة هتيجي ولا ………. صحيت من البنج لقيت اختي مش قادرة تقوم ووجوزي اللي كنت بموت فيه وبيموت فيا مع انه سمع الكلام ده كله مليون مرة بس المرة دي مش اشعه ده حقيقة شاف بعينه الدكتور لقيته ساب ايدي واخويا واختي قوموني وفقت في العربيه وجابوني البيت ووش حماتي متغير وجوزي واخويا مش عاوز يسوريني عيبنه ولا اختي ومش فاهمة بس حاسة انه قال حاجه ولما روحت البيت حماتي قالتلي قومي حضري بقي ليكي اكل انتي وجوزك عشان مكلش خالص ومن يومها من تاني يوم وكاني بقالي سنتين متجوزة هوة اختبارات حمل علطول وطبعا فاشلة وهي تلقيح كلام وروحت بيتنا وقولتله تعالي علي هناك قولتله سيبك من كل ده لا اشعه ولا دكتور انا مش هروح لحد تاني انا مش هخلف حط في دماغك كده لو ده قضاء ربنا خلاص لو اختبار انا راضية لو ابتلاء بردة راضية مش مهم ترضي المهم اني تعبت ومن امتي من تاني يوم حرام بجد بقي نطلق احسن قاللي خلاص والله مش هجيب السيرةة دي بس انات تعبت كل لما بيشوف ابن اخوه بلاقي نظراته حسرة ليه وكمان مراته تقريبا حماتي حكتلها برده بتلقح كلام وتعبت كنت عايزة يااما اعيش حياتي مع نفسي يااما ابدا كانني مولودة من جديد مع اللي هتجوزه كل يوم تعب وجوزي يسقولي مش حاسه بحاجه ويحط دماغه علي بطني والله تعبت ومش عارفه اعمل ايه
يوجيناا يوجيناا 256183_1.gif فتكات متميزة Fatakat 256183 القليوبية – مصر
سبحان الله و بحمده