خلاصه تجربتى فى تخزين البطاطس بالتفصيل الممل وطبعا بالصوررررررر
ازيكم يااحلى فتوكات فالدنيا كلها…
بقالى فترة طويله بدور على طريقه لتخزين البطاطس فالفريزر قبل ماتغلى وقبل ماتبقى مسكرة وبتتحرق فالزيت اصلى بصراحه بتضايق جددددددددددا لو جيت احمر بطاطس ولقيتها بتتحروق :icon_sad:ببقى نفسى افتح الشباك وارميها وكل مرة اتفاجىء ان البطاطس المسكرة طلعت وانا مش عامله حسابى ومخزنه ..
بس المرة دى قلت لااااااااا ابدااااااا لازم ابقى شاطرة وناصحه واعمل خزين حلو كدة وفضلت ادور كتير فالمنتديات والتجارب وفالاخر وصلت لطريقتين وقلت اجرب الاتنين مش هاخسر حاجه…المهم بقى بعد ماجربت ووصلت لنتايج جيت جرى عليكم عشان اقولكم وتستفيدو منى زى مادايما بستفيد من فتكات حبيبتى..نخش فالمهم..
قريت هنا فالمدونة عن طريقتين الاولى/ انك تحطى البطاطس فميه بملح وخل تغلى دقيقتين وبعدين تبرديها وتعبيها فاكياس وعالفريزر…جربت الطريقه دى امبارح بس البطاطس بالطريقه دى بتشرب زيت بشكل فظيييييييع فالتحمير وبتحسى انها تقيله جدا فالاكل
طبعا قلت لاااااااا ابدا مش هستسلم واشترى بطاطس جاهزة غاليه اجرب الطريقه التانيه
الطريقه التانيه دى قريتها لعضوة فاضله فاحدى المشاركات للعضوة ام مهند ومعتز وقلت اجربها وطلعت بجد ناجحه جدا ولما حمرتها كانت زى فارم فريتس واحلى والله العظيم مقرشه من برة وطريه من جوة بجد تححححححححفه زى اللى بناكلها برة بالظبط واحلى والله قلت لازم بقى انقل التجربه لاخواتى وجيتلكم بالتفصيل الممل…
رغيت كتير قوى نخش بقى فالمفيد…
جبت كدة 5 كيلو بطاطس حلوة كدة من عند عمو اللى فاول شارعنا طبعا بعد ماجربت البطاطس بتاعته واتاكدت انها ميه ميه
بعد كدة بدات اقشرها بالقشارة بتاعتى حبيبتى اللى دايما بتريحنى واكيد دى فكل بيت
وبعد ماخلصت تقشير خدتها عالميه وغسلتها
بعد كدة جبت قطاعه البطاطس العبقريه بتاعتى ودى هديه من مامتى حبيبتى دايما تدور ع اللى بيريحنى ربنا يخليهالى يارب..
المهم قطاعه البطاطس دى يافتوكات ميزتها انها بتقطع البطاطس صوابع وبتبقى زى الجاهزة بالظبط و فثوانى وشكلها بيبقى رااااااائع
وبعد ماقطعت كل الكميه اللى عندى طلعلى الشويه دول …شايفين شكلهم حلو ازاى
بعد كدة خدتهم ع الحوض غسلتهم وبعديت حطيتهم فطبق غويط فميه وملح وشويه خل
ولعت ع الزيت يسخن وبعدها نزلت بشويه من اصابع البطاطس ويادوب 5 دقايق تصفر كدة بس اوعو تغيبو احسن تتهرى منكم يادوووب تصفر بس احسبيهم ع الساعه..وطلعتهم
حطيت البطاطس على مناديل تشرب الزيت وسيبتها تبرد وبعدين فردتها فصينيه زى ماانتم شايفين
وبعد ماخلصت كل الكميه سبتها تبرد خالص فالصينيه وبعدين ع الفريزر لمدة 5 ساعات وممكن تسيبيها من ياليل للصبح
بعد كدة طلعت الصوانى من الفريزر وشيلت صوابع البطاطس منها طبعا متجمدة وكل صباع حلو كدة لوحدة وعبيتها فاكياس
بعد كدة دبست الاكياس وع الفريزر جرى
وده شكلهم كلهم وهما منورين جمب بعض فى درج الديب فريزر…ايه رايكم بقى.
..لما تيجى تستعمليها تطلعيها ع الزيت علطول وهى متلجه ويكون الزيت سخن مش هتاخد وقت وهتبقى دهبى وجميله جدا..
والصورة الاخيرة دى حمرت جزء من اللى عملته بالطريقه الاولى ودى هتلاقو البطاطس مفتحه كدة وشاربه زيت ع الاخروواضحه جدا فجمب.. والجمب التانى البطاطس دهبى كدة وجميله ودة بالطريقه التانيه اللى شرحناها مع بعض…
يارب كلكم تستفيدو من تجربتى دى وكل واحدة تحس انها استفادت تفرحنى بكلمه حلوة منها احس انها استفادت منى ويارب الادارة متوديهوش فالمواضيع المكررة لانه مش مكرر والله وانا تعبت جدا فيه عشان كلنا نستفيد…والى اللقاء فتجربه جديده مواضيع هذا القسم برعاية
رودى2017 رودى2017 25843_1.gif فتكات متميزة Fatakat 25843 مدينة نصر – القاهرة