انا هكتبلكم تجربه الحقن المجهرى علشان انا عارفه كل واحدة داخله على العمليه دى بتدور على حرف يفيدها بس الاول ادعولى ربنا يتمم حملى على خير ثانيا انا عملتها علشان زوجى عنده ضعف فى الحركه والعدد والعلاج مجبش معاه نتيجه انا روحت للدكتور معاياه كل تحاليل الهرمونات بتاعتى وتحليل الزوج وعملت اشاعه الثلاثيه الابعاد بعد الدورة بيوم علشان يطمن على بطانه الرحم عملتها فى المدينه سكان ب 150 جنيه وروحت للدكتور اليوم ال17 من الدورة واخدت حقت ديكابتيل 01تحت الجلد واحدة كل يوم ولازم كل يوم فى نفس المعاد لحد تانى يوم الدورة والواحدة ب38 جنيه وبعدين روحت تانى يوم الدورة عملت تحليلe2وطلع النتيجة 14 ب50 جنيه وروحت للدكتور فى نفس اليوم ادانى 2 حقنه فاستيمون ب55جنيه الواحده و2 حقنه ماريونال 75ب66جنيه الواحدة ونص حقنه ديكابتيل01يوميا لمدة خمس ايام وعملت تحليل e2وطلع980وبعدين الدكتور كتبلى 2فاستيمون وواحدة ماريونال وواحدة ديكابتيل لمدة يومين وحللت e2طلع 2500وكررت العلاج لمدة يومين كمان وعملت التحليل وطلع 11الف وده طبعا بدايه فرط تنشيط وادانى برشام دوستنكس العلبه فيها برشامتين ب65جنيه لمدة يومين وده استثناء علشان فرط التنشيط وحللت طلع 7الاف واخدت الحقنه التفجيريه وبعدها بيومين عملت عمليه السحب وطلعت 33 بويضه ورجعت فى اليوم الخامس 4 اجنه وجمدت 3 اجنه وحللت فى اليوم ال11 وطلعت حامل الحمد لله العمليه ب5800 و300علشان رجعت فى اليوم الخامس و1000 تجميد بويضات ادعولى تانى ان ربنا يحفظ ما فى رحمى يااااااااااارب
bosy1991 bosy1991 583683_2.gif فتكات نشيطة Fatakat 583683 الاسكندريه – مصر
سبحان الله و بحمده