السلام عليكم ورحمة اللة وبركاتة
انا ان شاء اللة ناوية اعمل تجميع لكل النصايح اللي كتبتها جودي السمراء
لاني فعلا كنت تايهة في الموضوع الاول من كتر الصفحات واسئلة البنات مكنتش عارفة اركز وقررت اني اعيد قراءة الموضوع علي مهلي والي عيزة تستفيد تتفضل بس ياريت يابنات محدش يرد عشان منعملش زي الموضوع القديم
وطبعا طبعا الشكر الاول والاخير لجوجو انها قدمتلنا هدية من دهب وهي ياحبيبتي مش فاضية ولسة وام جديدة جزاها اللة كل خير
طبعا يابنات اي كلام هكتبوا هيكون كلام حرفي من بقها كل الي انا عملتة بس هو اننا نقلتة حرفا وحولت ارتب الموضوع لافكار مترابطة ومتسلسة
بسم اللة نبتدي
كنت بدخل فتكات كل فين وفين وكل ما ادخل الاقى ناس محبطة من قلة الشغل والفرص او من الجواز وعمايلة او من قلة الفلوس وكنت اقول ايه الناس دى ال على طول تعبانة وكنت بلومهم لان الفرص موجودة والحل سهل بس هو عامل كدا زى ال قال عنه الله عزوجل فشكفنا عنك غطاءك فبصرك اليوم حديد يعنى ان الشء موجود بس انت ال حاطط حجاب فى عينك عشان متشوفهوش
طيب هقولكم على حاجة كنت بقول هعملها لفتكات لما اولد ان شاء الله
والحمد لله حنتوسوا وصل
دى هدية منى لكل الفتوكات ال بخبهم وساعدونى ووقفو جنبى الشهر المرعب ال عشته فى الحمل
انا عملت موضوع عن الجواز بسرعة والحمد لله اتثبت وبقى مميز
نيجى بقا للشغل وياريت العضوة زينة الحياة تبقى سمعانى لانى وعدتها بس مكنتش فاضية من الولد
الموضوع التانى عن انك تلاقى شغل بسرعة
هقولكم خلاصة خبرتى الحمد لله لانى كنت بشتغل فى مركز كبير وبعد الجواز لانى جوزى رافض الشغل كيفت امورى وعملت مشروعين الحمد لله ماشيين
يعنى مفيش حجة لاى ست وظيفة تلاقيها هعلمك وشغل من البيت هعلمك
ثالثا بقا هقولكم خلاصة قراءاتى فى صناعة المصير وتغير الحياة للافضل
ها مين يسجل معانا فى الدورة المجانية دى ونبدا اول الكلام عن انك تلاقى وظيفة وبعد اسبوع بالظبط تكونى استلمتى شغلك ان شاء الله
انا عايزة الناس تتقسم مجموعتين مجموعة عايزة شغل من البيت وهقولهم ازاى بعيدا عن الحاجات القديمة ماى واى او مشروع والكلام دا لا هخليكى تاخدى وظيفة وممكن تعملى شركة من البيتان شاء الله ومجموعة ال عايزة تشتغل برة البيت فى مؤسسة او ماشابه
يلا كل واحد يحدد هو اى نوع وانا انزل الملف لانى عملت ملف كامل لكل واحد منهم ونبقى كدا وفينا وكفينا ومحدش يبقى لى حجة
البنات الي بدور علي وظيفة في موسسة:
1-جيبى وررقة وقلم اكتبى الوظايف ال انتى نفسك فيها
2-اختار واحدة عايزاها اوى وبتحبيها ادخلى على جوجل جمعى معلومات عنها يعنى المهارات ال عايزاها الاماكن المتاحة
خلاص اعرفى كل حاجة
3- اجمعى كل الاماكن ال ممكن تشتغلى فيها
4-اعملى على الورد سيرة ذاتية محترمة ظبطيها كدا باللغة العربية والانجلش ومتنسيش وسيلة الاتصال تبقى ثابتة رقم ثابت وايميل بتفتحيه كل يوم
عملتى دا
عملنا السيرة الذاتية الشيك المحترمة نروح بقا على الورقة واالقلم تانى
5-اكتبى قايمة باقرب الاماكن للشغل عندك
6-قايمة تانية بالاماكن الابعد قايمة 3 بالاماكن فى مصر كلها
مثال عايزة تشتغلى فى الاعلام
اكتبى الجرايد ال قريبة منك
الجرايد فى المحافظة بتاعتك
الجرايد ال فى مصر كلها
7-بقا ودا الخطوة الاهم اعملى مقدمة عن وصفك لنفسك
دى بتاثر كتيييييييييير جدا فى انك توصلى للشغل بسرعة
يعنى عايزة تشتغلى فى مكان هاخد مثال خدمة اجتماعية
اولا جمعى كل المؤسسات ال بتبقى عايزة اخصائى
جمعيات خيرية دار ايتام مدارس حضانات اعملى قايمة بيهم فيها 100 مكان حد ادنى هتقولى اجيب منين المعلومات
فى 140 دليل فى يلو بيدج دا دليل ضخم بيتجاب من اى فرع ببلاش ولو عايزاه يجيلك لحد البيت بيبقى ب10 جنيه
فى ناس بتخاف تعرض نفسها تقول لا محبش حد يكسفنى اقولها خليكى ياقمر بقا مكانك وعدى العداد بيعد مفيش حاجة اسمها افضل مكانى واقول يمكن اتصلى هتعملى ايه بقا بقلم رصاص علامة صح يعنى وافق هروح له بكرة بالسى فى ماشى
علامة w يعنى فى احتمال يحتاجو وخد رقمى سيبى بردو بيانات اتصالك
علامة غلط يعنى مش عايزين ههتلاقى عندك من 100 بحد ادنى ولاسؤ الاحتمالات 10 اماكن مستنية سيادتك تشتغلى عندهم
ان شاء الله
معلومات خاصة بالمتقدمين لعمل جديد
ارشادات لاجتياز المقابلة الشخصية
-بصى لما كنت بعمل لحد مقابلة شخصية بشوف حاجتين قالى عليهم صاحب شركة ان المتقدم يبقى كريييتف يعنى مبدع ومختلف فى اجاباته ثانيا يبقى كومبكت يعنى مختصر وملخص الاجابة
-الثبات النفسى يعنى متورهوش انك عايزة الشغل اوى خليكى كوووول ثانيا خلى ضهرك مفرود لان الاسترخاء الجسدى بيدى احساس لصاحب الشغل انكى بتستخفى بيه او انك ضمنه الوظيفة او انك مش مهتمة بالنتيجة اهم شئ افردى ضهرك الاسئلة طبعا انك تحضرى اقرب اجابة متعوديش تفكرى واستحالة هقولك على اسئلة كل واحد بيسالها حسب شخصيته لكن الثوابت هى ال بقولك عليها اهم شئ هو الانطباعات الاولى لانه بيحكم بيها عليكى والانطباعات دى بتتحدد بلغة الجسد بيقولو عليها بدى لنجوتش اتكلمى بلغة جسدك الجدية هى فرد الضهر الجلوس
على حافة المقعد هى الاهتمام
-اوعى تعقدى ايديكى هيبقى الراجل اتنقله التوتر ةيقول امتى تخرج الست دى متمسكيش فى الشنطة وتقفشى فيها زى ماتكونى راكبة اتوبيس سيبى الشنطة خالص لانها بتنقل احساس الاستعجال وهتوتر بردو المدير ياااااااارب اون افدت اجمعى النقاط فى ورقة واحفظيها ودربى نفسك
اعملى مقدمة مميزة لانها اهم من السى فى
اوعى تعملى زى بنى اسرائيل تتوهى فى التفاصيل زى ما عملوا فى موضوع البقرة اوك فى مثل امريكلى بيقول الشيطان يكمن فى التفاصيل
تجنبى الاشياء دى
-استخدام جمل لها طابع دينى حتى لايشعر الاخر انك تؤثر عليه باسم الدين
-تجنب تكرار معنى او صفة اكثر من مرة الجمل لاتحوى نفى يعنى متقوليش لاراريد كذا او لا اقوم يكذا
كل الجمل اثبات
ثانيا تحتوى على الاشياء دى
-تحدثك عن صفاتك العملية لا النفسية متقوليش مثلا والله انا طيبة وجدعة واعجبك ياباشا لا اكتبى صفاتك العملية مجتهدة اعمل بحماس مفانية مبدعة كدا
-تاكيدك على العمل ضمن روح الفريق لان دا اهم شئ بيدور عليه صاحب العمل استنو بقا اوريكم مقدمة لواحد
-و السؤال بتاع عايزة تشتغلى ليه دا سؤال ثابت قولى لهم لانى بحب الشغل دا وهدى فيه كل امكانيتى وطاقتى
-اثبتى دايما اهم شئ انك بتتفاعالى مع فريق العمل وانك مش بتحبى اللعب الفردى وانك بتتفاعلى مع روح الفريق لان دا اهم حاجة بيهتم بيها المدير
– التحريرى حاولى تقرى موضوع لوحد مش فاكرة اسمه بس هو بتاع ارشادات اجتياز المقابلات الشخصية
-ركزى فى اهم حاجة لغة الجسد فى المقابلة الشخصية وكمان الاختصار ومبدا ما قل ودل فى الاختبار التحريرى يعنى ميبقاش اختصار مخل ولا اطالة مملة
lolozozo123 lolozozo123 images/avatars/leadinglines.jpg سوبر فتكات Fatakat 189688 قلب زوجي – بيت حبيبي