طبعا شفنا كلنا مواضيع كتير عن اللانشون البيتى و انا بصراحة باحبه جدا و باقرف من بتاع بره فقلت بعد ما قريت كل المواضيع انى اجرب و بعد كذا تجربة توصلت للطريقة اللى بقيت امشى عليها على طوووول و عجبت جوزى و بنتى اللى اما بيصدقوا يلاقوا عيب فى الاكل عشان مياكلهوش و طعمه بجد زى لانشون الفراخ بالظبط و دا مع بعض الملاحظات عشان يطلع مظبوط
اولا تجيبى الخلاط و تحطى فيه الاتى:
6 مثلثات جبنة بريزيدن
6 بيضات
فلفل اسود
محتويات 6 فصوص حبهان
5 مكعبات ماجى و اللى بتخاف منها ممكن تجيب النوع اللى بيبقى شرايط مش علب لان دى بهارات مفيهاش فراخ اصلا
ملعقة اكل ممتلئة صلصة بتدى طعم ولون جميل
6 فصوص ثوم مهروس
كوب زيت
كل ده يضرب كويس فى الخلاط و اثناء الوقت ده بنحط حلة فيها ميه على النار لحد ما توصل للغليان
نجيب بولة ونفضى فيها الخليط و نضيف عليهم 6 ملاعق دقيق ملعقتين ملعقتين و نخلطهم كويس جدا مع باقى الخليط لحد ما يبقى تمام و نجيب كيس ساندوتشات كبير او كيس حرارى زى ما انتى عايزة المهم تتاكدى انه ميكونش مخروم
و تحطى الخليط فيه و تفرغى الهواء منه و تربطيه كويس جداااااا و تقصى الزيادة من ربطة الكيس و توطى النار على حلة الميه المغلية كأنك بتسوى ارز و تسقطى الكيس و تغطى الحلة و دا حياخد حوالى ساعتين على النار و تقلبى الكيس كل ربع ساعة من الناحية للتانية و حتدوقى لانشون حلو بذن الله
نيجى بقى للملاحظات
ال 5 مكعبات ماجى مع ملعقة الصلصة بيظبطوا الملح و بيكون مظبوط فمفيش داعى للملح و للى بتحب الحاجة مش مايلة للحادق ممكن تنقص نص مكعب من الماجى
المقادير اللى اخدتها من بعض المواضيع التانية كانت نص المقادير دى فعملت كمية صغيرة اوى بالنسبة لى فعملت المقادير اللى هنا دى عشان اضاعف الكمية و دا استلزم انى اخليها على النار ساعتين بدل ساعة زى ما فى الطرق التانية
لازم بعد ما تخرجيها تجربى انها خلص سواها عن طريق غرس سكينة فيها فلو طلعت نظيفة يبقى تمام و لو لقيتيها عليها اثار خليط تاخديها و تحطيها فى كيس جديد لانك طبعا عشان تطلعيها اضطريتى تقطعى الكيس و ترجعيها للحلة يعنى بنفس طريقة اختبار سوى الكيك
من علامات انها مظبوطة انك حتلاقيها اثناء التسوية نفشت سنة فى الحجم و جمدت بس زى ما قلنا مش معنى كده انها استوت لازم تسيبيها ساعتييييين زى ما اتفقنا
و فى النهاية ارجو انى اكون افدتكم بتجربتى المتواضعة و الف هنا و شفا مواضيع هذا القسم برعاية
ام روفة ام روفة 257496_2.gif فتكات متميزة Fatakat 257496 القاهرة – مصر