السﻻم عليكم و رحمة الله و بركاته
اوﻻ
ادعو الله ان يتم حملكن جميعا على خير
و يرزقكن الذرية الصالحة النافعة
و يقر اعينكن بأوﻻدكن
ثانيا
اسأل الله ان ينفع بكﻻمى هذا
عسى ان يكون سبب فى انقاذ جنين من الوﻻدة المبكرة
الموضوع يتحدث عن
مساج الثدى و الحلمات
كتير من الحوامل بتبقى عاملة حسابها ان شاء الله انها ترضع رضاعة طبيعية
و بتكون سمعت اكيد عن المشاكل اللى بتحصل للواحدة اللى بترضع طبيعى فى اﻻول
زى احتقان الثدى و التشققات و الألم و هكذا
ف بتعتقد انها لو بدأت بمساج الثدى و تمارين شد الحلمات من بدرى قبل الوﻻدة
ده يجنبها المشاكل دى
لدرجة انى لقيت ستات بتعمل كده قبل ميعاد الوﻻدة بتﻻت شهور !!
و ماكدبش عليكم
انا بردو كنت ناوية اعمل كده
بس لما قلت للدكتورة اللى بتابع معاها قالتلى غير كده خالص
و لما رجعت البيت دخلت على مواقع علمية و اتأكدت من الكﻻم ده بنفسى
.
.
.
.
فى الحقيقة الكﻻم ده غلط جدا
أى لعب او حركة فى الحلمات ده بيحفز الجسم انه يفرز هرمون اسمه " أوكسيتوسين "
ده مسؤول عن حاجتين :
1- افراز اللبن
2- انقباض الرحم اثناء الوﻻدة
و لذلك
بيحطوه فى المحلول اللى بتاخده الحامل عند الوﻻدة عشان يزود الطلق
ف لما تبدأى تحفزى افراز الهرمون ده فى الجسم من بدرى كده
هانﻻقى ان الحلمات بدأت تفرز لبن او افرازات صفرا
و ممكن ﻻ قدر الله يعمل طلق مبكر قبل ميعاد الوﻻدة المتوقع بكتير
و طبعا احنا عارفين ان يوم واحد زيادة فى رحم اﻻم افضل بكتير من شهر فى الحضانة
ف ليه نتسبب فى كده لنفسنا ؟؟
هاتسألوا
طيب احنا بنحس ان الحلمات جافة و بتتفتت منها قطع صغيرة كده ف ﻻزم نرطبها
هاقولكم الحل
بﻻش المرطبات الخفيفة اللى بتقعد يادوبك يوم و ترجع الحلمات تنشف تانى
ﻻن ده بيخليكى تفضلى تدهنى الحلمة و تحركيها كل يوم
افضل حاجة
زبدة الكاكاو البيضا
Cocoa butter
ماتستغربيش
هى دى آمن حاجة للحامل و بينصح بيها الدكاترة فى العالم مش ف مصر بس
و ده اللى قالتهولى الدكتورة و لقيته ع المواقع
و انا نفسى جربتها
مرة واحدة ادهنها بعد الشاور بتفضل الحلمات رطبة و ناعمة للشاور اللى بعده
و مش بتحتاج دهن و مساج وﻻ حاجة
هو يادوبك بتحركى الصباع براحة على الحلمات بتﻻقيها اترطبت خﻻص
هاتﻻقى منها علب زى كده
او لو مالقيتهمش
هاتى صباع زبدة كاكاو لونا عادى من الصيدلية و ده اللى انا استخدمته
_____________________________
اما عن تمارين شد الحلمات
ف دى بتحتاجها الستات اللى الحلمات عندها مسطحة او غائرة للداخل
ف بتتعمل عشان تخرجها لبرة و تبقى ف وضعها الطبيعى ف البيبى يعرف يرضع منها
و دى بيبقى ليها طريقة معينة و ممكن اجهزة معينة كمان
و بتتعمل مش قبل الشهر التاسع من الحمل
لكن اللى حلماتهم عادية مش بيحتاجوا التمارين دى
ممكن يكتفوا فقط بالمساج فى نهاية الحمل و خﻻص
و على كل حال
المشاكل اللى بتحصل فى بداية الرضاعة دى شائعة جدا
سواء عملتى مساج و تمارين او ﻻ
ﻻن ببساطة سببها ان الجسم لسة مش متكيف مع الوضع الجديد من تدفق اللبن و من طريقة مص البيبى
ف على حسب قدرة الجسم انه يتكيف معاه بسرعة او ﻻ بتطول او تقصر المشكلة و تختلف فى قوتها
و هاتﻻقوا مواضيع كتير للتعامل مع المشاكل دى بسهولة و التغلب عليها
يارب اكون افدتكم
نـــور نـــور 322624_1.gif فتكات رائعة Fatakat 322624 القاهرة – مصر