حبايبى الفتوكات هقدملكم النهاردة وصفة سهلة وهى اساس لاى طبيخ عايزة تعملية
بمعنى كل انواع الخضار بتتعمل بنفس الطريقة
المقادير:
انا استخدمت خضار مشكل
نصف كيلو طماطم
معلقة صلصة صغيرة
4 فصوص توم ـ نصف معلقة سكر
بصلة
مكعب مرق
ملح ـ فلفل اسود
اولا هنبشر البصلة لحد ما تدبل ما نحرقهاش
ثانيا :هنضرب فى الخلاط الطماطم مع التوم مع الصلصة مع مكعب المرق مع نصف معلقة صغيرة سكر
وننزل بيها على البصلة
ونستنى لحد ما تتسبك وياريت اى صلصة نكون بنسبكها تكون على نار هادئة
وهتبقى بالشكل دة لما تضهر فقعات السمن على الوش يبقى كدة اتسبكت
هنحط عليه الخضار بتاعنا ياخد غلوة
ونزود الشوربة واللحمة تكون مستوية الا حاجة بسيطة لان الخضار مش هياخد وقت فى التسوية
بالشكل دة
بعد ما ياخد غلوتين على النار من فوق ممكن نكمل تسويتة فى الحلة عادى وممكن ندخلة فى طاجن فخار فى الفرن
بيبقى طعمة جميل فى الفخار
اتمنى ان وصفتى تكون عجبتكوا
مواضيع هذا القسم برعاية
kokoxx91 kokoxx91 448136_3.gif فتكات ست الكل Fatakat 448136 القاهرة – مصر