ازيكم يا فتوكاتى عاملين ايه
الحمد لله على نجاح الجروب بتاعنا بنعمل الجزء التانى قبل مانكمل اسبوع على نزول الجزء الاول اللى مش متابع نحكيله الحكايه من الاول انا الحمد لله خسيت 40 كيلو ومكمله ان شاء الله وحبيت اعمل جروب انقلكم فيه خبرتى والرجيمات اللى خسيت عليها وبرضه الاقى ناس اتشجع معاهم ويشجعونى على انى اكمل وانا ان شاء الله هكتب رجيمات الاربع اسابيع مجمعه علشان تكونوا عارفين الاكل كله وعلى فكره انا خسيت بالالتزام 26 ك فى الشهرين اللى هكتب رجيماتهم حاولوا تلتزموا بالتعليمات
والاشتراك مفتوح لاى حد بس ارجوا الالتزام واحنا على فكره نعتبر اخر يوم لينا فى الاسبوع الاول وهنبتدى الاسبوع التانى يوم السبت ان شاء الله
قبل ما اكتب الرجيم لازم اوضح التعليمات اللى كلنا لازم نلتزم بيها
الرجيم كميائى لمده شهر على اربع اسابيع كل اسبوع هيتغير وناخد واحد تانى والمفروض تخسى بيه 12 كيلو وهو فيه 3 وجبات انا الدكتور بتاعى مش بيحب رجيم الصنف الواحد يعنى هتلاقى فيه اكل معقول جدا
ملحوظه هامه جدااااااااااااااااااااااا
الالتزام بترتيب الوجبات والايام مهم جدااا لان الرجيم ده بيعتمد على ترتيب دخول الاكل للجسم فبيحرق بعضه وكانك مكلتيش اى حاجه منغير الترتيب جسمك هيثبت بعد اسبوع او اتنين بالكتير
مش مسموح بتبديل اللحمه بالفراخ او العكس لكن ممكن نبدل اللحمه او الفراخ بالسمك او التونه
ممكن تبدلى الفول بالبيض او العكس
تبدلى الزبادى بالجبنه ماشى او العكس
شوربه الخضار ممكن تبدليها بالسمك لكن مش بالعكس يعنى السمك مينفعش يتبدل بالخضار والخضار المسموح بيه الكوسه والفاصوليا الخضرا فقط
ممنوع البصل والجزر نهائيا دخوله على الرجيم هيبوظه خالص
لازم عيش سن ناشف لو طرى يبقى بدل الرغيف ربع رغيف لو مكتوب فى الوجبه
وجبه الفطار والغداء مهمين جدا ولاوم ناكلهم ممكن متتعشيش لو مش عاوزه
لو عاوزه نتيجه فوق العاديه من الرجيم ده التزمى بساعه مشى كل يوم حتى لو على المشايه الكهرباء
الفاكهه المسموح بيها البرتقال اليوسيفى التفاح الكمثرى الجوافه
المشروبات المسموح بيها الشاى القهوه النسكافيه البلاك اليانسون النعناع القرفه الكركديه الجنزبيل الليمون
ينصح بشرب الماء الكتير 8 كبايات فى اليوم على الاقل ويستحسن اكتر
نصيحه اخيره بلاش جيم الا لو هتستمرى على طول لانك لو روحتى جيم فتره وقطعتى هتتخنى حتى لو مستمره على الرجيم او فى احسن الظروف جسمك هيثبت
اخر حاجه الرجيم مينفعش فيه اى اكل بين الوجبات غير الخضروات الورقيه الخس والخيار فقط
اللخبطه فيه هتخليكى اول اسبوع هتخسى بس مش كتير وتانى اسبوع هتثبتى لو لخبطى تالت اسبوع اللخبطه فيه هتزودك الللا خستيه دى حاجه انا متاكده منها
كل اسبوع كل واحده فيكم تقول خست قد ايه وطبعا اكتر واحده خست هعملها شهاده تقدير وتبقى ملكه الجروب لمده اسبوع واقل واحده خست هتبقى دبدوبه الجروب
ماشى متفقين
وعلى فكره انا همشى على رجيم تانى خالص لانى بقالى 4 شهور واللى بنفعكم مينفعنيش
بعد الشهر الكيميائى هحط شهر رجيم سعرات هيخسسك برضه حوالى 8 كيلو
يعنى محصله الشهرين رجيم 20 كيلو ان شاء الله او اكتر بالالتزام الجامد
انا عن نفسى مع الرياضه والالتزام خسيت فى الشهرين دول 26 كيلو نفس الرجيمات اللى هكتبها وكان معايا واحده خست 10 بس لانها مش ملتزمه فارجوكم الالتزام ثم الالتزام علشان مصلحتكم
دلوقت اسيبكم مع الرجيم الاسبوع الاول
الافطار ثابت طول الاسبوع
3 معالق فول بدون زيت وطماطم ورغيف عيش سن
اليوم الاول
الغذاء
ربع دجاجه صدور مسلوق او مشوى + سلطه خضراء +رغيف عيش سن
العشاء
رغيف عيش سن + قطعه جبنه قريش
اليوم الثانى
الغذاء
سلطه خضراء +قطعه لحم مشوى + 4 معالق رز + ثمره فاكهه
العشاء
رغيف عيش سن + بيضه مسلوقه + خس او خيار
اليوم التالت
الغذاء
تونه مصفاه + رغيف عيش سن + طماطم + ثمره فاكهه
العشاء
رغيف عيش سن +3 معالق فول بدون زيت + طماطم
اليوم الرابع
الغذاء
رغيف عيش سن +خضار مسلوق + قطعه لحم مسلوق او مشوى
العشاء
رغيف عيش سن + قطعه جبن قريش + خس او خيار
اليوم الخامس
الغذاء
4 معالق رز مسلوق + ربع دجاجه مسلوق او مشوى + سلطه خضراء
العشاء
رغيف عيش سن + بيضه مسلوقه +خس او خيار
اليوم السادس
الغذاء
سلطه خضراء + سمك مشوى + 3 معالق رز مسلوق +ثمره فاكهه
العشاء
قطعه جبن قريش + طماطم + رغيف عيش سن
اليوم السابع
الغذاء
ربع دجاجه مسلوق او مشوى + سلطه خضراء + رغيف عيش سن
العشاء
رغيف عيش سن + بيضه مسلوقه
كده يا حلوين الرجيم خلص بتاع الاسبوع الاول
لما تخلصوه مسموح بوجبه فرى خالص قبل ما تبتدوا الاسبوع اللى بعده
بس وجبه واحده فقط الفطار هيكون رجيم والغداء وجبه فرى وممكن قطعه حلويات بعد الغدا بساعتين والعشا ء برضه رجيم ماشى يا فتوكات
من فضلكم تحطوا صوره الجروب فى توقيعتكم علشان نبقى متميزين عن اى جروب ماشى يا فتوكات لازم صوره الجروب علشان خاطرى
الاسبوع التانى
الفطار ثابت طول الاسبوع
جبنه قريش + طماطم + رغيف عيش سن
اليوم الاول
الغداء
سلطه بدون زيت + سمك مشوى +نصف رغيف عيش سن
العشاء
زبادى + خيار + نصف رغيف سن
اليوم الثانى
الغداء
سلطه + تونه مصفاه + نصف رغيف سن
العشاء
جبنه قريش + نصف رغيف سن
اليوم الثالث
الغداء
ربع دجاجه مسلوق او مشوى + نصف رغيف سن
العشاء
زبادى + 2 ثمره فاكهه
اليوم الرابع
الغداء
خضار مسلوق + لحم مسلوق + نصف رغيف سن
العشاء
2 ثمره فاكهه + زبادى
اليوم الخامس
الغداء
سلطه + تونه مصفاه + نصف رغيف سن
العشاء
زبادى + طماطم + نصف رغيف سن
اليوم السادس
الغداء
لحم مسلوق او مشوى + سلطه +نصف رغيف سن
العشاء
نصف رغيف سن + جبنه قريش
اليوم السابع
الغداء
لحم مسلوق او مشوى + طماطم + نصف رغيف سن
الاسبوع التالت
الافطار ثابت طول الاسبوع
خس او جرجير + بيضه مسلوقه + رغيف سن
اليوم الاول
الغداء
ربع دجاجه مسلوق او مشوى + سلطه + نصف رغيف سن
العشاء
بيضه مسلوقه + ثمره فاكهه
اليوم الثانى
الغداء
طماطم + لحم مشوى + نصف رغيف سن
العشاء
طماطم + بيضه مسلوقه
اليوم التالت
الغداء
لحم مشوى او مسلوق + سلطه
العشاء
بيضه مسلوقه +خيار
اليوم الرابع
الغداء
سمك مشوى + سلطه + نصف رغيف سن
العشاء
زبادى + خيار
اليوم الخامس
الغداء
سمك مشوى + سلطه
العشاء
2 ثمره فاكهه
اليوم السادس
الغداء
سلطه + تونه مصفاه + نصف رغيف سن
العشاء
2 ثمره فاكهه
اليوم السابع
الغداء
ربع دجاجه + سلطه + نصف رغيف سن
العشاء
فول + طماطم + نصف رغيف سن
الاسبوع الرابع
الفطار ثابت طول الاسبوع
خيار + 3 معالق فول بدون زيت او بيضه مسلوقه + رغيف عيش سن
اليوم الاول
الغداء
سلطه + ربع دجاجه مسلوق او مشوى
العشاء
خس + بيضه مسلوقه + نصف رغيف سن
اليوم الثانى
الغداء
خضار مسلوق + لحم مسلوق او مشوى
العشاء
خيار + زبادى + نصف رغيف سن
اليوم الثالث
الغداء
سلطه +سمك مشوى + نصف رغيف سن
العشاء
كوب حليب خالى الدسم + ثمره فاكهه
اليوم الرابع
الغداء
خضار مسلوق + طماطم
العشاء
بيضه مسلوقه + نصف رغيف سن
اليوم الخامس
الغداء
تونه مصفاه + سلطه + نصف رغيف سن
العشاء
2 ثمره فاكهه
اليوم السادس
الغداء
ربع دجاجه مسلوق او مشوى + سلطه
العشاء
3 ملاعق فول بدون زيت + نصف رغيف سن
اليوم السابع
الغداء
خضار مسلوق + لحم مسلوق او مشوى
العشاء
بيضه مسلوقه + نصف رغيف سن
كده يا جماعه الشهر الرجيم الكيميائى خلص وبعد كده هيكون فيه شهر رجيم سعرات المفروض انه ضرورى جدا للمحافظه على الوزن اللى فقدناه فى الشهر الاول وينزلك برضه فى حدود 8 كيلو او 10 كيلو وان شاء الله هنزله قبل الشهر ده ما يخلص
ملحوظه مهمه جدا
ممكن يحصل لاى واحده فينا ظروف وتضطر تقطع الرجيم ولو انى مبفضلش نقطعه فجاه بس لازم اقول نعمل ايه لو قطعناه فجاه هنلتزم بحاجه زى نظام رجيم اللقيمات وهنجمع بينه وبين رجيم الصيام العكسى ازاى يعنى الاكل يكون قليل اوى من اكل البيت ولكن كميه قليله ونلتزم مع كده بالامتناع عن الاكل من بدرى من الساعه 7 او 9 بالكتير نكون اتعشينا وهكتب نماذج من الاكل بس لازم نلتزم بالكميات الله يكرمكم علشان تحافظوا على الوزن اللى نزلتوه وبرضه النماذج دى هى اللى هنتبعها بعد ما نخلص رجيم السعرات
وياريت تبقى النماذج دى هى نظام اكلنا اصلا على طول للمحافظه على وزننا
نماذج الفطار والعشاء
1 – نصف رغيف عيش بلدى + 4 ملاعق فول بالزيت عادى او بدون + سلطه
2 – نصف رغيف عيش بلدى + 50 جرام جبنه رومى + زبادى + خيار وطماطم
3 – نصف رغيف بلدى + بيضه مسلوقه + قطعه جبنه بيضاء 50 جرام
4 – نصف رغيف بلدى + 2 معلقه عسل + قطعه جبنه بيضاء
5 – نصف رغيف بلدى + 3 قرص طعميه + طماطم
6- نصف رغيف بلدى + 2 بيضه مقليه
7 – نصف رغيف بلدى + 1 بطاطس محمره + خس
8 – 1 سندوتش فول + 1 سندوتش طعميه
9 – قطعه فطير صغيره
10 – كوب لبن + ربع رغيف ابيض + جبنه رومى او لانشون 50 جرام
11 – قطعه جبن نستون + نصف رغيف عيش فينو
12 – علبه تونه + نصف رغيف بلدى + سلطه
نماذج الغداء
يمكن اكل 5 ملاعق ارز او 5 ملاعق مكرونه او نصف رغيف بلدى مع اى وجبه غداء
1 – 2 قطعه لحم مشوى + طبق خضار + سلطه
2 – ربع فرخه مشويه + شوربه
3 – طبق خضار وسط + سلطه
4 – سمك مشوى + سلطه طحينه او سلطه خضراء
5 – 2 سمكه مقليه بزيت الذره وسط + سلطه
6 – ربع بطه او وزه + خس
نماذج اخرى للغذاء متضمنه الرز او المكرونه او العيش
1 – محشى طبق وسط 12 صباع كرنب او ورق عنب 5 كرنب + 5 ورق عنب + 1فلفل + 1 كوسه
2 – كشرى مصرى طبق وسط
3 – 3 ممبار + 3 كرشه
4 – ساندوتش هامبرجر + سلطه + 1 بيبسى
5 – ساندوتش شاورمه شامى + بطاطس محمره
6 – 6 معالق كشرى اصفر + بطاطس محمره وسط + 1 فلفل مقلى
7 – 5 معالق رز + كوب شوربه عدس
ملاحظات مهمه جدا عند تثبيت الوزن
شرب كوب ماء قبل الاكل بربع ساعه
يمكن اكل ثمره فاكهه يوميا اى نوع ما عدا المانجو والتين والعنب والبلح مع التقليل من وجبه العشاء
يمكن اكل قطعه حلويات من اى نوع مع الغاء وجبه العشاء او التقليل من الغداء والعشاء
يمكن اكل الخضروات الطازجه باى كميه فى اى وقت
عدم النوم الا بعد الاكل بساعتين
ينصح بالمشى لمده ساعه يوميا
عدم الاكل الا عند الجوع والقيام من الاكل قبل الشبع عملا بقول رسول الله صلى الله عليه وسلم " نحن قوم لا ناكل حتى نجوع واذا اكلنا لا نشبع "
انا كده الحمد لله خلصت الموضوع وارجوا الالتزام بالكميات سواء فى الرجيم او فى التثبيت
اسيبكم فى امان الله
السلام عليكم ورحمه الله وبركاته
سيسو زيزو سيسو زيزو 822446_8.gif فتكات غالية قوي Fatakat 822446 المنصوره – مصر