فى البداية فى فتوكات هنا يعرفونى
انا اللى نزلت الموضوع النصايح اللى ساعدتنى فى انى احافظ على صحتى وشكلى
قبل ما تقرأى الموضوع دة ياريت اللى مقرتهوش تقراه لانه مرتبط بالرجيم
https://fatakat.univanet.com/#2923310
انا بدأته فى شهر 3 اللى فات كان 12-3 كدة والله انا كنت قبلها جربت رجيمات كتير وبروح الجيم العب ايروبكس وامشى مشى ايييييييييييييييية لما رجلى ورمت بس برضو مش بخس
طب اية ياجدعان اومال البنات دى رفيعة كدة ازاى
اية هفضل كدة يعنى ولا اية
رحت وقفت وقفة مع نفسى كدة وقولت انا زهقت من حياتى اصلا ولازم اجرب حاجة جديدة بقى
والله ودعيت ربنا انه يساعدنى وقابلت بنوتة ماشاء الله عليها فى الجيم معرفش دى عايزة تخس اية اصلا
وصفتلى الدكتور عبدالله وعيادته وكدة راحوا قاسولى نسبة الدهون فى جسمى ومقولكوش بقى كانت زايدة جداااااااااا
كانت 27 كيلو انتوا متخيلييييييييييييييييييين يانهار الوان يعنى انا كلى دهون ولا اية
راح قاسلى الانسجة بعدها قالى ياحلاوتك وكمان مفيش انسجة تساعد على الحرق اصلا
انتى كنتى بتاكلى اية يابنتى
سرحت مع نفسى كدة وافتكرت الايس كريم والبطاطس المحمرة بالكاتشب والاكل بره وحلاوته ولا الحلويات ههههههههههههههههههههههههههههههه لدرجة انى كنت هنام واحلم
قالى يا فتوكاتى اننا بناكل بعادات غلط وطريقة غلط وحاجات مش صحية بالمرة
احنا ممكن ناكل بس بطريقة صح والحاجات اللى تفيدنا وتحافظ على صحتنا قولتله ايون انا عايزة من دة
والناس اللى خسوا وزادوا تانى دول نسخة منى بالظبط كدة مرة خسيت 20 كيلو فى شهرين وحياتكم بالظبط سنتين كدة وتخنتهم وبزيادة كمان لان الرجيم كان غلط فى غلط
بس بجد الرجيم دة مبيجوعش زى باقى الرجيمات وحسيته حلو بس لاااااااااااازم تثبتوا مواعيد اكلكوا كل مرة يعنى متاكلوش الساعة 3 تانى يوم 5 لالالاالال 3 يبقى 3 او تلاتة وربع ونص بالكتير اوى علشان الجسم بيظبط نفسه والله لما ثبت مواعيد اكلى نزلت فى الوزن اسرع صدقونى بولوبيف بولوبيف
انا رغيت كتير بس يلا نبدأ بقى
الاسبوع الاول
الفطار … يفضل من 6-9 صباحا ( قولولى لية ؟؟ علشان دة اكتر وقت الجسم بيحرق فيه وبلاش متأخر عن كدة ياجماعة )
نختار تلاتة : محدش يقولى كلهم ها
– 2 شريحة توست بردة او نصف رغيف بلدى او رغيف سن
-معلقة جبن قريش
-4ملاعق فول بزيت الزيتون ….(انا عملته بزيت حار علشان بيحرق الدهون )
-بيضة مسلوقة ( بس مرتين فى الاسبوع بس علشان الكوليسترول )
************************************************** ***************
بين الفطار والغداء … ولا اى حاجة خااااااااااااااااااااااالص فاهمين .. تشربوا مشروبات بسكر دايت بس يفضل شوجر ماتش انا جبت ال200 ب 40 ج من اى سوبر ماركت علشان السكر التانى بيأثر على الكبد)
اه صحيح والمشروبات بعد الاكل بساعتين _او قبل الاكل بساعتين
ومفيش ماء فى وسط الاكل __ الماء بعد الاكل بنص ساعة او قبله بنص ساعة
ممكن بقى تعملوا رياضة فى الوقت دة بيخسس اسرع من بالليل عندكم المشى او الجرى او التمارين
************************************************** *****************
الغداء : من 12-3 ( دة بقى هتاكلوه كله يافتوكات شفتوا الكرم بتاعى ازاى ههههههه )
_طبق سلطة خضراء..
( حاجة منى بقى الاوراق الخضراء احسن وبتشبع وبتملى البطن وبتحافظ على نضارة البشرة وتحطوا عليهم ليمون وخل بتحسى بشرتك موردة كدة .. زى البقدونس والجرجير والشبت والكزبرة والكابوتشى الخ ..)
_ربع فرخة مسلوقة او شريحة لحم او سمك مشوى او ممكن فى الفرن بس زيت بسيط
( خلوا السمك 3 مرات فى الاسبوع لانه بيساعد على بناء الانسجة وبيساعد على حرق الدهون وفيه فيتامينات اعلى من اللحوم والفراخ )
– ثمرة فاكهة ( تفاحة او برتقالة ) التفاح بيشبع اكتر
************************************************** *********************
العشاء : قبل الساعة 8.30 مساءا
تختاروا حاجة واحدة بسسسسسسسسسسسس : اظن واضح
_ كوب زبادى + نص كوب عصير جوافة او برتقال طازج او ليمونادة
– طبق سلطة خضراء مع عصير ليمون وبروكلى وفلفل رومى وبقدونس وجرجير
-2 ثمرة فاكهة من نفس النوع ( يعنى 2 تفاحة او 2 برتقالة او 2 كيوى )
-ثمرة بطاطا مسلوقة او مشوية ( متهيألى مفيش بطاطا دلوقى اصلا هههههههه )
نصايح منى انا بقى : ( اجتهاداتى فى القراءة ومن البرامج )
1-زى ما قولت قبل كدة يافتوكات" حــــــــــــــــــــــــبى نفــــــــــــــــــــسكــ "
والله ما حدش هيعرف مصلحتك قدك ومتسمعوش لكلام حد ولا صاحبتك ولا مامتك ولا جوزك هههههههههه
( اقولكوا لسة صاحبتك هتجاملك او هتغير منك _ مامتك وجوزك خايفيين عليكى _وممكن جوزك مش عايز يصرف او خايف بقى تتغرى وتشوفى نفسك عليه ويقولك دى بقت قوية هههههههههههههه بهزر طبعا مش كل الازواج )
2-اكتبى كدة فى ورقة تقوليها لنفسك كل يوم الصبح قدام المرايا :
عارفة هتقولوا اية البنت المجنونة دى هههههههههههههه متخاوفوش مش هقولكوا انا مش قصير ازعة ههههههههههه
انا درست علم نفس واللى بيقرأ فى علم النفس هيعرف ان دة بجد بيقربك من نفسك وبيشجعك اكتر
هتقولوا اية بقى :
(اسمك …حاولى ان تكونى جميلة اليوم وخليكى شجاعة وعندك ارادة _حافظى على رشاقتك واناقتك ورقة صوتك
ومشاعرك الجميلة _كونى هادئة واستعينى بالله دائما _حاولى ان تكون افكارك ذكية ومعلوماتك صحيحة واعصابك هادئة _ولا تنسى :::::: ان تحافظى على جمالك لانك جميلة وذكية وطيبة ورقيقة وانيقة وحنونة وابتسمى دائما )
3-هتقولولى الرجيم دة مكلف لا بالعكس هتحسى انك بتوفرى اصلا بس الفرق هتهتمى بالاكل الصحى اللى هو البروتين السمك والفراخ واللحوم ومنصكوش باى لحمة دلوقتى خالص علشان محدش عارف جاية منين )
4- زى ما قولت لازم تظبطوا مواعيد اكلكوا وتخلوها ثابتة
5- لازم ممارسة الرياضة واقلها المشى
6-ممكن تشربوا مشروبات اعشاب تساعد على الحرق وهتلاقوها هنا فى المدونة كتير
7-تخيلوا نفسكوا فى الوزن اللى تتمنوه واحلموا بيه بجد انتى كدة بتقولى لعقلك الباطن اللى نفسك فيه وبالطبيعى هيروح لافكارك اللى هتمنعك انك تلخبطى فى الاكل لان صورة حلمك ونفسك وانتى رشيقة هتمنعك وتصبرك على الرجيم والرياضة
8-نهتم بنفسنا وببشرتنا وشعرنا وبلاش ادوية رجيم لانها بتأثر على الكيد
9- مش لازم نخس بسرعة احنا بنخس علشان مش نتخن تانى بقى كفاية رجيمات واليويو دة نخس ونتخن لاااااااااااا
احنا بنغير عاداتنا الغلط فى الاكل وبنرجع للطبيعة باكلنا الصحى
10- انصحوا تقروة موضوعى اللى فى اللينك اللى فوق
متنسووووووووووووووووووش التقيييييييييييم امانة عليكوا انا نزلت الاسبوع الاول بس وارجو التثبيت علشان اكمل
وعايزة دعوة حلوة بالزوج الصالح والهداية من عند الله
ابتسم للحياة ابتسم للحياة 196626_22.gif فتكات هايلة Fatakat 196626 القاهرة – مصر ام الدنيا