السلام عليكم
انا كنت عاوزة امسح الموضوع
بس عدلتة بعد ما كتبتة بعد ما شوفت رد فعل البنات
كلة قالي انة ضار وانة انتحار
الريجيم دا ضااااااار بناء على كلام الفتوكات
بس انا قولت اسيب التجربة مش اكتر
منصحش حد انو يعمل زيي
اتبعي ريجيم صحي احسن
الحمد لله رجعتلكو ويارب ما اسيبكو تتان ابدا
المهم
انا عاوزة اخس
بس عندي مشكلة ف ختة العزيمة دي
كل يوم اقول هبدا بكرا
لا بعدة
خلاص من اول الاسبوع
وهكذا ولو بدات…..دة لو يعني يومين وترجع ريما لعوايدها القديمة
زهقت من شكلي وجسمي
اللي شجعني بقا اني عندي فرح بنت خالتي الشهر الجاي
قولت مبدهاش بقا
دخلت دورت ع ريجيم سريع اللي هو الريجيم السويسري دا
وفعلا بدات
بس ببدا كل يوم 
بمعنى اني كل يوم امشي كويس جدا على الريجيم واعمل رياضة وكل حاجة
واجي ع اخر اليوم الطفاسة تشتغل
اشي حلويات على لبان واحيانا شيكولاتة ودي لوحدها مصيبة
المهم ضاع اسبوعين من الشهر دة
مفيش عزيمة
العزيمة تحت الصفر
لحد ما جت واحدة صاحبتي شجعتني
بدانا الاسبوع اللي فات
والحمد لله كل واحدة فينا خست كتير
هي خست 6 كيلو ف الاسبوع دا من غير رياضة
وانا خسيت 8 كيلو ونص بعمل رياضة
جبت النظام عشان اشاركو معاكو ونشجع بعضينا
عارفة انكو زهقتو من رغيي
ندخل ف الموضوع
اخسري 1 كيلو او اكثر في اليوم مع الريجيم السويسري
ملحوظة
لا ينصح بة للحوامل والمرضعات ومريضات الانيميا
الريجيم يستمر لمدة اسبوع ولو حابة تكررية تاخدى راحة بين كل اسبوع والتاني يومين
ينصح بتناول مالتي فيتامين ومكمل غذائي
لو حسيتي بدوخة اثناء اليوم ودة شعور طبيعي عشان نسبة السكر اللي ف الدم قللت ممكن تاخدى معلقة عسل صغيرة
مسموح ب 3 معالق فقط خلال الاسبوع
الافطار موحد طول الاسبوع
شاي او قهوة بدون سكر او سكر دايت
اليوم الاول والتاني
الغدا
قطعة لحم مسلوقة خالي تماما من الشحم + طبق سلطة بدون زيت او ملح
العشا
طبق سلطة
اليوم التالت والرابع
الغدا
2 بيضة مسلوقة + طبق سلطو بدون ملح اوزيت طبعا
العشا
طبق سلطة
اليوم الخامس والسادس
الغدا
علبة زبادي دايت 125 جم + 2 خيارة
العشا
2 خيارة
اليوم السابع
الغدا تفاحة
العشا
تفاحة
معرفش اذا كان النظام دة بيندرج تحت مسمى الريجيم الكيميائى ولالا
الرياضة بقا
زي المشي
نط الحبل
الرقص
الجري
اي رياضة تحبيها
انا بنط الحبل
وبرقص ساعة متواصلة ف اليوم
ولو معنديش مود للرقص
بمشي ساعة او ساعة ونص متواصل
يلا كل واحدة تدخل تكتب وزنها وطولها والوزن اللي هي عوزاة
يلا نشجع بعض
لام اهم حاجة ف الدايت العزيمة
ب عزيمة من حديد
يلا نبدا
Bocy Cat Bocy Cat 340181_12.gif مراقبة مدونة Fatakat 340181 القاهرة – مصر