السلام عليكم ورحمة الله وبركاته
ما شاء الله لا قوة الا بالله
موضوعنا اليوم عن خبز الخمير باللحم والبصل الاخضر
بسم الله الرحمن الرحيم نبتدي
كيلو ونص لحم مفروم
عليه حزمة بصل اخضر وحزمة بقدونس وقرن فلفل حار
وعجنتها بفلفل اسود وكمون بودر وكمون حب وكسبره بودره وملح حسب الرغبه
حطيت بصلتين كبار مفرومين
قطعة ليه بشرتها وهي مثلجه
لان لو كان الثلج فاك عنها ما كنت اقدر ابشرها
خلطتهم كويس وخليتهم في الثلاجه على ما اجهز العجينه
العجينه عباره عن كيلوين طحين اسمر
عليه ملعقتين خميره فوريه ومثلهم شكر
ملعقه كبيره كركم وشويه ملح
وماي دافي على حسب الحاجه
شكل العجينه وبعدين غطيتها وريحتها ساعتين
شكلها بعد ما اخمرت
جبت اللحم وحطيته على العجين بصوره تدريجيه وعجنتها كويس مره ثانيه باللحم
هذا شكلها وممكن زيادة اللحم والبصل فقط حسب الرغبه وليس الخضار لان الخضار تحترق اثناء الخبز اذا كانت زياده
كورتها وريحتها لمدة عشر دقايق على ما التنور يسخن
نبتدي نفردها
نلزقها على الملزقه
نرميها في فرن التنور
لازم نغطي التنور علشان لا تطيح
جربتها على الصاجه كمان لان انا ادري ان مش الكل يقدر يخبز على التنور وعطتني نتيجة مشابهه
يالله بسم الله كل وحده تاخذ قرصها بس كباية الشاي منك ههههه
مواضيع هذا القسم برعاية
hisky hisky images/avatars/sunset.jpg فتكات ست الكل Fatakat 108240 العاصمه – الكويت
سبحان الله و بحمده