السلام عليكم ورحمة الله وبركاته
الحمدلله والصلاة والسلام على رسول الله..
انا عارفة ان في ناس كتير في مدونة الرشاقة زهقت مني بس يلا بقى استحملني يا منتدايا ياحبيبي وارجو من الادارة متزعلش من تقل دمي وتقل وزني
اي حد ضد الاكتئاب ميكملش مواضيعي لان مواضيعي بيشوفها الكتير انها كئيبة مع انها اجمل شيئ حصل في عمري
المهم انا هتكلم عن تجربتي في التخسيس اللي حصل لي منذ ما يقارب 6 شهور وفعليا من 3 شهور لان اول 3 شهور كنت بهرج جامد اوي
اللي مش عارف كويس السي في بتاعي في مجال التخسيس يقرى توبيكاتي لان مش كل شوية هعيدها
السمنة مرض مش عرض وسأظل اقولها الى الابد..السمنة هي عرض للتوتر عرض لعدم الرضا عرض للاوهام عرض للوحدة
السمنة المتكررة والريجيمات المتكررة عرض لانك شخص مدمن
السمنة مش نتيجة الاكل السمنة نتيجة الافراط في الاكل وفيه فرق كبير جدا بينهم
ودلوقتي هنتكلم عن حبي للاكل
قبل رحلتي الحالية والتي صممت ان ادخلها الان من وجه اخر يراه الكثيرون انه تعقيد ازيد من اللازم وانه سفسطة لاداعي لها قبل الدخول من هذا الباب وهو باب الادراك الكامل عن ماهية الجسم وماهية الشعور ومن المسئول عن حبي للاسراف في الاكل..كنت ارى انه لم ولن اجد اليوم الذي لن اشتاق فيه الى الشوكولاتة او الحلويات وللاكل بصفة عامة
كنت ارى انها درب من دروب الخيال عندما يقولل لي شخص ان لقمة زي مية لقمة
كنت اظن انه شخص مدعي الرضا وفقط يقول كلمات حتى افقد من وزني
كنت اظن الجميع اساسا يااما يحبون الاكل ويكذبون علي او انها اساسا لا يستهويهم فكرة الاكل
في البداية لا انكر انه يوجد اشخاص حقا لايستهويهم الاكل ولذلك هم لو استهوه سيحبونه …ولكن وجدت العديد من الاشخاص يعيشون حياة طبيعية يحبون الحلويات والاكل ويحبون ان يعيشو بصحة وبتوازن
هؤلاء هم من تأملتهم كثيرا وبحثت عن مشاعرهم واحاسيسهم وماوجدت حقا انه لا منجى ولا حل لما انا فيه الا شيئ واحد بعد فضل الله وهو اني احس
نعم ..ولعلي اذكر موقف غريب جدا يمكن ان تستغربوه جميعا ان ما كان سببا حقا في ادراكي لهذه الحقيقة العظيم هو ابن اختي الصغير حفظه الله يارب هو واطفال المسلمين قلتله مرة مش عايز تاكل كمان يابودي قالي لا شكرا ياخالتو انا شبعت قلتله شبعت ازاي يابودي دا انت ملحقتش قالي حسيت ان فيه حاجة في معدتي وحسيت ان خلاص فيه حاجة قريبة من زوري قلت يبقى انا اكيد شبعت
يبقى احنا وصلنا لنقطتين الاحساس والادراك وهما زمام التخسيس لو خدتي عهد بينك وبين نفسك قبل ما تاكلي انك تحسي وتدركي انك فعلا شبعانة وقتها هتبطلي
لكن دلوقتي ليه مش عايزة أحس ليه مش عايزة أدرك؟؟
لاني معتقدة اعتقاد جازم انها متعة..انها مكان بياخدني ليا انا لوحدي كأني في عالم خيالي العلاقة بيني وبين اللقمة اللي في ايدي..معتقدة انها الحل للهروب من كبت كتير في حياتي و اشياء كتير بجد مش قادرة افتكرها كلها حاليا
الحقيقة هي محاولة لاعادة برمجة العقل على حياة جديدة ما كانت الا عادة سيئة مش اكتر…برمجته وانت واثق انك راضي وفاهم وصح اهم حااجة انك تكون صح
انا عمري بجد ما اعتقدت اني مش هموت على الاكل يوم كسر الريجيم انهاردا كان يوم كسر والحمدلله الحمدلله اكلت عادي مش هقول اني يعني ملاك بس زودت شوية بس والله لا كان ليا نفس في شوكولاته وفرحانة ومبسوطة ومش فاكراها اسااسا
انا يمكن مريت بتجارب كتير في حياتي مش عاطفية بس لا تجارب كتير خلتني اتعلم الاستغناء عن كل شيئ الا الله ..ان كل شيئ في الدنيا ما هو الا تعود واحنا اللي بنخليه في حياتنا او نبعده صدقوني كل مرة باكل فيها او الخبط فيها حاليا بقيت مدركة جدا انا بعمل ايه بقيت قبل ماادخل اللقمة في بقي عارفة اني اقدر مكملهاش بسهولة اوي ..حسيت انه الاكل هو اللي بيمتكلنا اساسا مش احنا اللي بنمتلكه
انا فعلا حاليا مش قادرة اوصل للالتزام بريجيم معين بس قدرت اوصل اني مش اسرف في الاكل انه حاجة عادية انه ممكن انام من غير اكل انه اساسا مش باكل عيش ولا رز ولا حلويات..لاني حسيت بالوهم فقط
في النهاية مش عايزة اطول على اللي بيقرى ان كان فيه حد بيقرى بس عايزة اقول
"للحق قوة ان بلغتها لا تسطيع الرجوع للباطل وان رجعت فلن ترجع بنفس النفس والروح والجسد"
ادعي الله من قلبي ان يوصلني للحقيقة اللي تخليني مرجعش وان رجعت اتوب بسرعة واندم بسرعة
اللهم ارني الحق حقا وارزقني اتباعه وارني الباطل باطلا وارزقني اجتنابه وحببني في الايمان وكره اليا الكفر والفسوق والعصيان وصلى اللهم على سيدنا محمد وسلم تسليما كثير
دي مشاركاتي القديمة لو حابين تعرفو عني اكتر
نفسي في صداقة للتخسيس https://fatakat.univanet.com/#2443189-2
حقا انها سنوات الضياع..نوبات الريجيم https://forums.fatakat.com/showthread…9#post60400099
حملة انا مش عايزة اخس انا عايزة احس https://fatakat.univanet.com/#p60543027
هل حقا نحن نأكل لكي نعيش ام نعيش لكي نأكل؟؟ https://fatakat.univanet.com/#2460630
جراحاتنا ليست في مقتل https://fatakat.univanet.com/#2464044
sam_smile sam_smile 580810_1.gif فتكات ست الكل Fatakat 580810 المحلة – مصر