السلام عليكم ورحمه الله وبركاته
مبرووووووووك عليكى الحمل ياشابه منك ليها
وعقبال كل مشتاقه ربنا يرزقها الحمل قريب يارب
قولوا يااااااااارب وعلوا صوتكم كده
المهم يابنات أنا كنت مفكره إن فى المسلسلات العربى والأفلام القديمه
لما بتيجى الممثله تمثل دور الحامل كنت مفكراها بتبالغ قوووووووى وأوفر
أتارى لما مريت بالتجربه لاقيت إن الممثله ظالمه الدور كتير
المهم تانى
أنا فى حملى الأول كنت قرفانه من الاكل كله كلوووووووووووووه
دا خلال الثلاثه شهور الاولى تقريباً مكنتش باكل خالص
ولما نفسى كانت تجبنى على حاجه كنت بحب أكل حاجه مملحه
أما فى حملى ده فالوضع مختلف
مبدئيا البيريود متأخره عندى 15 يوم وعملت التحليل ورحت للدكتوره كمان
فى الصبح مبيجليش الغثيان لكن بيبدأ بعد الظهر وبيستمر طول النهار طول ما أنا جعانه
إستفدت معلومه من البنات على فتكات وهى إنى مخليش معدتى فاضيه
لأنى كل ما بجوع بيحصلى حاله القرف والترجيع
كمان من اول الحمل وأنا نفسى فى عصائر كتير وكمان حاجات حلوه
وأنا طبيعتى مبحبش الحلويات خالص
أتمنى من كل فتوكه حامل فى الشهور الاولى تشاركينا تجربتها
وأهو منه نعيين بعض على الأيام الصعبه دى
Lovely Moon Lovely Moon 109352_2.gif سوبر فتكات Fatakat 109352 الأسكندريه – جمهوريه مصر العربيه