السلام عليكم ورحمة الله وبركاته
دي طريقة حمص الشام اللي ولادي بيعشقوه وخاصة في البرد ….
ابني كان عاوز يشتريه من الشارع …. بس انا قلت لا ما ابقاش فتوكة من مدونة فتكات لو ابني جاب حاجة من الشارعاومال انا قاعده ليل نهار في فتكات ليه
دا حتي عيب في حق الفتكاتيك كلهم هههههههههههههههه
كفاية استظراف بقى
وندخل في المفيد
المكونات
ربع كيلو حمص
توم
ملح
ليمون
معلقتين خل
شطة
بصلة صغيرة مبشورة
طماطماية مفرومة او معلقة صلصة
كمون
فلفل اسمر بسيط
الطريقة
* ننقع الحمص في ماية 5 ساعات وممكن ليلة عشان يستوي بسرعة
* نصفيه من مايته ونغسله كويس ونحطه في حلة على النار
نضيف له كمية ماية ونزودها شوية ومعاه البصلة المبشورة
* وقبل ما يكمل سواه بربع ساعة نحط التوم ( مفروم )والكمون والفلفل والملح وطماطماية مفرومة او معلقة صلصلة والخل والشطة
* وعند التقديم نعصر الليمون عليه
ويكون بالشكل دا
ودي للفتوكات اللي هيردو … ويعلقوا … بقى ومن غير ما اقول يقيموا … حتى لو الموضوع مش حلو اديله حق
لا تنسوني من خالص دعائكم
احبكم في الله مواضيع هذا القسم برعاية
أم مانو أم مانو images/avatars/yellowflower.jpg فتكات رائعة Fatakat 32335 …………… – ……………