قبل ما ابدأ بشكر العضوه دلع الشوق و العضوه أميرة قلب حبيبي لانهم بمواضعيهم ساعدووني كتتتييير اني اعمل الحمام علي اصووووله ويطلع بالحلاوه دي ودي كانت اول مره في حياتي اعمله لوحدي جزاكم الله خيرااا
وتاني حاجه عايزه الي تدخل ويعجبها موضوعي تدعي دعوه من قلبها لمصر بلدنا و لاخوتنا في سوريا ربنا يفك كربهم وينتقم من بشاااار
هبدأ بقي واسمي بالله طريقه الحمام المحشي بالصور والرز الاصفر بالخلطه من مطبخي
اول حاجه جبت الحمام وغسلته بالدقيق ونضفته من الريش كويس ونضفته من بطنه كويس اوووي وطلعت الكبد والقوانص منه ونقعت الحمام في ميه بخل وملح
وبعد كده يا حبايبي يا حلوين جبت اربع ملاعق رز كبار وغسلتهم كويس ونقعتهم في ميه نص ساااعه وده الرز الي هحشي بيه الحمام لكل حمامه ملعقه رز ومنكترش عشان مينفجرش وطبعا ده اتعلمته من العضوااات دلع الشوق و اميرة قلب حبيبي لربنا الفضل وليهم جزاهم الله خير
وبعد كده يا قمرااات جبت بصله متوسطه وافرميها خليها ناعمه خااالص وشوحيها مع حته ذبده او سمنه او زيت دره الي انتي متعوده عليه
وبعد يا حبايب قلبي ما يبقي لونها كده
يعني تصفر شويه هنضيف الرز الي احنا نقعينه نص ساعه ونصفيه كويس اووووووي ونضيفه علي البصله ونقلب كويس لحد ما الرز ياخد لون البصله كده
هنضيف الكبد والقوانص بعد ما نغسلهم طبعا كويس بالخل والملح ونقطعهم قطع صغيره
ونضيف كمان ملح وفلفل وقرفه وشويه كركوم وبهارت فراخ وزعتر او نعناع نااشف حسب زوقك
نطفي عليها بعد ما تحمر كده وتسيبها تريح شويه من الزيت
بعد كده يا قمرات هنجيب الحمام الي احنا غسلينه ومصفينه كويس نفتح الطبقه الي هي ما بين الجلد واللحم ونحشيها موش كتتيييير يا دول ملعقه ممسوحه وملعقه ممسوحه تانيه جوه الحمامه انا باكد موش كتتييير عشان مينفجرش وهو بيتسلق
و كده يا حبايبي حشيت كل الحمام اجيب بقي الخله الخشب واقفله وممكن كمان تخيطيه بالخييييط ووتكتفيه كويس عشان ميفكرش انه يفلفص منك وهو بيسلق كدهووووو
نكون بقي مسخنين ميه علي النار ومعها بصلتين متوسطين وورق لوري وحبهان زي شوربه الفراخ العاديه ونسقط فيها الحمام بعد ما كتفنااااه كدهوووو
وبعد ما يغلي شويه لمده 5 دقايق هنوطي عليه خااالص زي ما بنوطي علي الرز لمده ساااعه واحده ونغطيه ونروح بقي نعمل الرز الاصفر الجمييييل الي بالكركوم
هننقع برضو 3 كوبيات رز او العدد الي تحبيه لمده نص ساعه كده
وعقبال ما يتصفي نجيب بصله متوسطه ونفرمها وتكون ناعمه ونصفرها برضو زي ما عملنا في خلطه الحمام كده ونحط عليها ملعقه كركوم ورشه كاري وملح وفلفل اسمر ونشووح البصله ونضيف بقي الرز المتصفي ونقلب نقلب كويس علي نار عاليه شويه لحد ما الرز ياخد ريحه ولون التوابل والبصل وبعد كده نضيف الميه تكون اعلي من الرز بمقدرا عقله صوبع
كده طلعت الحمام من الشوربه بعد ما عديت ساعه وسيبته يبرد شويه ويتصفي في المصفي
هنا بقي رصيت الحمام في الصنيه ودهنته سمنه ودخلته الفرن والشوايه مع بعض عشان يحمروده الشكل النهااائي وبجد طلع التحفه الحمااام والرز ومن اول مره كله طلع زي الفل والفضل ليكوا يا احلي منتدي
والطبق ده لاول واااحده ترد عليااااا وتقيم
بالف هنا وشفاااااا و يا رب اكون تلميذه شاااطوره ويعجبكم الموضوع
مواضيع هذا القسم برعاية
أم البنات ملك**منه أم البنات ملك**منه 145222_15.gif سوبر فتكات Fatakat 145222 الاسكندريه – مصر