اهلا يا حبايب قلبي
النهاردة جايبة لكوا وصفتين
حمام محشي بالرز بطريقتين جمال اوي
طريقة مامتي حبيبتي وطريقة حماتي
وبصراحة الطريقتين حلوين وطعمهم مختلف وجميل اوي
وعملت الطريقتين في يوم واحد
جوزي عايز الحمام بطريقة مامته
وانا عايزاه بطريقة مامتي ههههههه كل واحد متحيز لمامته بقي ربنا يخليهم لنا
فقولت نرضي جميع الاطراف ونعمل الطريقتين
نبدا بطريقة ماما
المقادير
حمام انا عاملة الطريقة دي ب 3 حمامات
بصلة مبشورة
كبد وقوانص الحمام وتكون متقطعة قطع صغيرة
كوبايتين رز مغسولين
ملح وفلفل وقرنفل وبهارات
تعالوا نشوف الطريقة
اول حاجة يا قمرات هنجيب بصلة متوسطة وتكون مبشورة
ونشوحها بمعلقة سمنة
لحد ما تدبل بسيط اوي
وتكون متقطعة قطع صغيرة ونضيفها للبصل
ونتبلها بملح وفلفل ونضيفها للبصل
ونسيبها تتشوح برصه حاجات بسيطة
لحد ما لونها يتغير
تمام كدة يا قمرات
هنجيب مقدار الرز انا عملت حوالي كوبايتين
ونضيفله جزء من الكبد والقوانص
ونشوحهم عالنار شوية ونضيف لهم ملح وفلفل وقرنفل بودر وبهارات
ونجيب الحمام ونحشيه بالرز
ونجهز الصنية اللي هنحط فيها الحمام ن
دهنها بشوية سمنة او زيت بسيط جدا
ونفرد فيها كل كمية الزر المتبقية
وبعدين نحط الرز فوق الحمام
ونجيب مقدار كوبايتين ونص مية او اقل كمان
ونضيفهم للصنية ما تزوديش عشان الرز ما يتهريش
ونغطي الصنية بورق فويل وندخلها الفرن حوالي ساعة ونص
بحيث ان الرز يستوي كويس وكمان الحمام
وطبعا هنتابعها برضه من وقت للتاني
ودة هيكون شكل الصنية بعد ما الزر والحمام استوا كويس
هنحط الصنية تحت الشواية نحمر الحمام
وممكن بعد ما نطلع الصنية نغطيها شوية عشان الرز يطري شوية
لان الطبقة اللي فوق هتتحمر شوية مع الحمام
ونغرف بقي الرز والحمام وناكل بالف هنا وشفا
ودة الشكل النهائي
في منتهي الجمال يا قمرات بجد الطعم وهمي ورائع جدااااااا
تابعوني يا قمرات
مواضيع هذا القسم برعاية
(Lara) (Lara) 265722_27.gif فتكات غالية قوي Fatakat 265722 الرياض – السعودية