السلام عليكم ورحمة الله وبركاته
غدانا من كام يوم كده يا فتوكات
اتفضلو من غير رغى
2 زوج حمام مغسول ونظيف جدا
2 كوب ارز
2 بصله متوسطه مبشورة
ملح وفلفل
كبد وقوانص الحمام
بشرت البصل وتبلته بالملح والفلفل
وضفته للرز المغسول مع الكبد والقوانص
انا مش بسوى الرز ولا بحط له سمنه ولا زيت
وابدا احشى الحمام كويس الصدر والبطن
والرقبه بلف عليها خيط
والبطن لما اخلص حشو اخيطه برضو بالخيط
مش بعرف اعمله بالخله
والف كل واحده فــ ورق فويل
واسلقه فى ماء مغلى مع بصل وملح
باقى الرز بتاع الخلطة سويته فــ حله صغنونه
بس ضفت له معلقه سمنه
وده الغدا الحمام والرز وبابا غنوج وبطاطس محمرة
محدش يقولى ايه الطبق الفاضى ده الاكل كان على ترابيزة المطبخ
والطبق ده كان موجود من الاول
والحلو كان بسبوسه شروق الشمس ربنا يكرمها
بس انا بحبها ساده
يلا يا حلوات كل واحده تطلع بالتقييم ورد حلو كده زيكم
فــ رعايه الله مواضيع هذا القسم برعاية
كرمة2016 كرمة2016 220179_4.gif فتكات ست الكل Fatakat 220179 مصر – مصر