حمام الثلاث عايزة تعملى ياعروسة ادخولى .. والعنوان عندى
انا جاية النهاردة وعايزة افيد العرايس وكمان كل الفتوكات عشان ميدفعوش كتير فى حمامات السونا والجيم المبالغ فية كتيررررر وفى النهاية النتيجه واحد والله ياعرايس عن تجربة صدقونى انا كنت عروسة من شهر ونصف فقط ودى بقى تجربتى حمام الثلاث بخار وتكيس وماسك ترمس او ماسك حمام مغربى على جسمك كلة وكمان سويت لو عايزة ورسم حنة كلة فى مكان واحد فقط ( حمام الثلاث )
انا رحت الماكن دة وكان مفعولة رائع جدا فى البياض ونظافة الجسم يعنى بصراحة الواحد كان خارج بيبرق من النظافة وعن تجربيتى احكى ليكم
انا زاى اي عروس طبعا كنت بحلم بنظافة جسمى رائعة عشان جوزى حبيبى وكان نفسى اروح مكان احس فعلا بنتيجة حلوه كان لية زميلتى شجعتنى انى اروح حمام الثلاث وقالتلى بجد رائع فقولت اجرب بس هي كانت بتروح بالوصفة يعنى مش عارفة الطريق كويس فقررت فى يوم انى اخذ ماما وانزل باب الشعرية واسال وانتو عرفين اللى يسال ما يتوهش وفعلا نزلنا ميدان باب الشعرية وسالنا كام ست قبلتنا فدلونا على العنوان بسيط جدا وما يتوهش واسمة ( حمام بخار المرجوش )
دخلنا طبعا وكنت مرعوبة من الكلام اللى كان بيتقال وكمان المكان عتيق اوى اوى من ايام المماليك ولقيت اول ما دخلت من الباب مكان الاستراحة وفيه سيدة كبيرة فى السن بتستلم كل متعلقات الشخصية طبعا وكمان الموبيل والدهب الفلوس يعنى اى حاجة معاكى خايفة علية وبتكتب كل دة فى ورقة وبترفقها بكيس بتاعك بس انا كان معاية ماما وهى انتظرت فى الاستراحة بكل متعلقات لية وسلمت امرى لله ودخلت مع الست اللى ندات علية واقالت لها خذى العروسة دخلية واول ما دخلت فى مكان كدة لتغير الملابس طبعا الكل هيسالنى كنت لبسة اية انا كنت لبسة سوفت والشورت بتاعة وبعدين دخلتنى مكان مغلق باب خشب قديم اوى دخلت لقيت صحن دائرى ونازل منه مياة وفى ستات قعدين وفى ستات بتكيس وفى ستات كمان بتحط ماسك مغربى وترمس والستات اكثرهم لبسين بكينى وبعدين دخلتنى غرفة تانى بنطلع فيها بخمس سلالم كبار وفيها مغطس كبير بمياه ساخنة ولمياه بتنزل من ماسورة مرفوعة فوق قرب السقف تقريبا ومياه ساخنة فى المغطس وكمان شوفت السقف فى قبه دائرية وفيها فتحات صغيرة وعرفت طبعا دى للتهوية وعدم الاختناق وقالتلى قعدى جانب المغطس ولما تحسى ان جسمك اتشبع بالبخار نادى علية انا ام فلان … عشان انا اللى هكيسك وبعدين خذات منى لبسى وخرجت بره لماما طبعا ناس كتير حوليه مش انا بس ستات عاملين يرغوه وكل واحد فى وادى فضلت قعدة ساعة ونصف تقريبا وبعدين ناديت علية قولتلها انا استويت خرجت برة فى الصحن دة وقلتلى نامى وبتدات فى التكيس انا كنت جايبة ليفة مغربى خاصة بى غير اللى معاه وطبعا ماما كانت كل شوية تدخل تبص علية من باب الامان يعنى يعنى بيسمحوه لية بالدخول عادى وبعدين حطيت على كل جسم ماسك الترمس عشان انا طلبت الترمس وفضلت قعدة لمدة ربع ساعة بدعك الترمس فى كل جسمى لحد ما حسيت انو ابتداء ينشف دخلت الحمام وغسالت جسمى بمياه ساقعة من الحنفية عشان يقفل مسام جسمى المفاتحة وخرجت ناشفت جسمى كلة وبعدين لبست وخارجت منوره وببرق يافتوكات
ملحوظة
طبعا وفى ناس بتحط ماسك مغربى حسب الطلب وكل واحدة بتحدد قبل ما تدخل وكل حاجة بسعريعنى سعرماسك الطمى المغربى 50 جنيها سعرماسك الترمس 25 جنيها سعر السويت الدراع 20 جنيها سعر سويت الراجل 20 جنيها والجسم كلة لو عروسة 120 جنيها وطبعا السويت لى غرفة تانى وبتعاملى اولا قبل حمام البخار والماسكيارب اكون افادكم
وعشان خاطر الفتوكات والعرايس الحلوين انا جايبة العنوان ورقم التليفون كمان
بس عايزة تفاعل اولا" وتقييم اجبارى عشان يتثبت وكل العرايس يستفسدو المدونة كله يستفيد
ايمووة ايمووة 109559_1.gif فتكات هايلة Fatakat 109559 الجيزة – مصر