ازيكوا ياحلوين يااللى فى المدونة منورين
لما عملت الحمام المحشى بالفريك
قلت اقول لحبايبى الحلوين اللى لسة بيتعلموا الطبيخ يمكن افيدهم
شوفوا بقى انا عملت اية
دول بقى حبايبى الزغاليل الحلوين
بعد ما اتغسلوا وبقوا فلة ….اوعوا حد يقوللى اطمس الصورة عشان مش لابسين
دى بصلة كبيرة مبشورة
وده الفريك مغسول ومنقوع حوالى ساعتين
معلقة سمن فى الطاسة
معلش الصور غامقة عشان اللمبة اتحرقت من اللى بتشوفه هههههههههههه
شوحت البصلة فى السمن
ونزلت عليها بالفريك اللى مش بيحب شريك وفضلت اقلب شوية وضفت شوية ميه صغيرين
وطبعا ضبطت الطعم بالملح والفلفل وشوية قرفة
وهنا القمرات بعد مااتحشوا بالفريك وقفلت بالخيط
عملت دكتورة يعنى
وهنا عشان البروفيل يبان
فى حلة سخنت الميه ….وسلقت الحمام
بعد ما اتسلق حمرتة فى زيت
وهنا بعد التحمير
شايفين جمالهم
وهنا من قريب
الفريك الباقى بقى عندك حلين
ممكن تعملى طاجن فريك فى الفرن زى ما انا عملت وده بيكون مفلل زى الرز
او انك تزودى الشوربة شويه مع1 طماطم وترفعى الحلة على النار وهنا الفريك بيكون لسه فيه شوربه
هنا حطيت الشوربة على الفريك فى الطاجن ودخلته الفرن لحد مااتشرب خالص واستوى
وبيبقى مفلل
وطبعا كان جوزى جه فبطلت تصوير عشان بيتريق عليا وبيقولى ها طبق اليوم ايه النهاردة
عسول قوى
فى امان الله ياقمرات
اوعوا تنسوا التقييم احسن اطير الحمام
مواضيع هذا القسم برعاية
تونة555 تونة555 295489_32.gif Fatakat 295489 الجيزة – مصر