بسم الله الرحمن الرحيم
طبعا كلنا اتخنقنا من موضوع التدخين سواء كان خطيب او زوج او حتى اب او اخ فانا جاتلى فكرة غريبة شويه بس بما انى لسه مخطوبه وخطيبى فى الجيش ومش طيلاه علشان انفذها قلت اقولكوا عليها يمكن تنفع ( طبعا فى افكار كتير قرأتها كويسه منها فكرة انك تشكشكى السجارة بالدبابيس علشان تبوظ فييجى يشربها يلاقيها متنفعش حلوة بس بصراحه انا كنت عايزة اعمل حاجه من غير ما اطلع السجاير من العلبه علشان ميبنش انى لعبت فيها وعلشان كده جاتلى الفكرة دى و هى ………. ان ان ان ان تش
الصـــــــــــــــــــــــــبار
اه متستغربيش عارفه الصبار كلنا عارفين اد ايه الصبار طعمه مر ووحش جدا
فقلت طب ما انا ممكن اجيب صبار و اخففه بيشويه ميا علشان ميبقاش تقيل ولزج كده وتحطيه فى قطارة وتفتحى علبه السجاير من غير ما يشوفك وتقطرى على السجاير نقطتين كده فى فلتر السجارة وكل ده من غير ما تلمسى السجارة بايدك لان لو لمستيها بتتكسر كده وبيبان ان فى حد مسكها ولو راجل نبيه ولماح حبتين هيفقسك وخليه يثبت بقى انك جيتى جمبها وطبعا كل ما يجى يشرب سجارة هيكرة نفسه علشان طعم الصبار هييجى فى بقه ويزهقه واكيد ساعتها بدل ما بشرب 10 كل ساعه هتقل على ما يجيب غيرها وكل ما يجيب غيرها تعملى نفس الموضوع
يمكن ربنا يسهلها وتلفق المرة دى وبيطلها
اتمنى بجد حد يجربها ويقلى لان دى عايزة واحده تكون متجوزة علشان تعرف تستفرد بيه
وعايزة بجد اعرف تعليقاتكوا ع الموضوع
يا رب اكون قلت حاجه مفيده ولو حتى واحده بس تستفاد منها وتدعيلى ربنا يهديلى خطيبى و يبعد عننا اى حاجه وحشه
بنوتة مخطوبة 2 بنوتة مخطوبة 2 694471_1.gif فتكات نشيطة Fatakat 694471 دمياط – مصر