ازيكوا ياحبيباتى
سنة جديدة يارب تكون سعيدة علينا كلنا
النهاردة ياقمرات عملت فراخ بلدى صغنونة كانت لس على وش جواز هههههههههه
وحشيتها وعملت معاها كشك الماظ
تيجوا نشوف مع بعض
دى الفراخ مغسوله ونظيفة فلة
وهنا بشرت بصله
شوحتها فى سمنة
حطيت عليها الرز المغسول وكيس ماجى فورية وقرفه وفلفل
وقلبت وشمى احلى ريحة
سبت الرز يستوى شويه مع شويه شورة صغيرين
حشيت الفرخة بالرز
قفلت الفرخة بالخيط
سلقت الفراخ
حمرت الفراخ بعد مااستوت
هنا بقى 3 ملاعق دقيق على علبة زبادى
سخنت الشوربه وظبطت طعمها
ودول كوبيتين
ننزل بالزبادى اللى فيها دقيق ونقلب عشان مش تكلكع
ونفضل نقلب لحد القوام ما يتخن شوية
نشوح بصلة فى سمن ونصبها عليها
ونقلب …..وكلى احلى كشك الماظ
وانا كده خلصت يارب الوصفة تعجبكوا
ومش هوصيكوا بقى
دعوة حلوة
وتقييم حلو
مواضيع هذا القسم برعاية
تونة555 تونة555 295489_32.gif Fatakat 295489 الجيزة – مصر