السلام عليكم ورحمة الله وبركاته
كيف الحال ؟؟
إن شاء الله يكون عال العال
انا جديدة هنا بس متابعاكم من زمان
وده اول مواضيعي
وإن شاء الله يعجبكم
ندخل في المفيد
في يوم من الايام وجوزي جاي وجايبلي الخضار لقيته جايبلي قلقاس !!
طيب انا مش بحب القلقاس ومش بحب اعمله ؟!
طب اعمل ايه؟؟
الامر لله خليها دلوقتي في التلاجة ولما افضى ابقى اقطعها واكيسها وعلى الفريزر
وفضلت ركناها كام يوم لحد امبارح واقفة في المطبخ ومش عارفة اطبخ ايه ؟؟
عملت فاضلة خيركم لحمة وشوربة جزر بالبطاطس طب وبعدين؟!!
ببص كده لقيت القلقاسة ….. قلت اعمل قلقاس وامري لله بس حبة صغيرين يعني ربعها كده والباقي على الفريزر
بس مفيش سلق ؟؟ ايه العمل ؟؟؟
كان عندي ربطة بشبت وربطة كزبرة خضرا في التلاجة
قلت اعمل بيهم وفيها ايه …..
سألت ماما قالتلي لازم سلق قلتلها إن شاء الله هينفع
وفعلا غسلت الشبت والكزبرا الخضرا وقطعتهم صغير
وقطعت القلقاسة طلعت عيني
وحطيت شوربة اللحمة على النار غلت حطيت الخضرة والقلقاس المكعبات
وبشرت بصلة صغيرة يعني تقريبا معلقة بصل مفرومة فرم ناعم
وسيبتهم يستووا مخدوش 10 دقايق
وبعدين معلقة سمنة وفصين توم مفرومين حمرتهم وطشيت بيهم القلقاس
مش عايزة اقولكم كان زي العسل ما شاء الله
انا غيرت رأي وبقيت احب القلقاس
والمهم عجب جوزي بالهنا والشفا
حتى بننتي اللي مش بيعجبها العجب كلت منه
وجنب القلقاس عملت الارز بالشعرية
معلش طولت عليكم
بس حبيت انقلكم احدى تجاربي في المطبخ
وجزاكم الله كل خير مواضيع هذا القسم برعاية
Marmar 123 Marmar 123 1222498_1.gif فتكات حبوبة Fatakat 1222498 6 اكتوبر – مصر