السلام عليكم يا أحلى حوامل
النهارده قررت احكيلكم حكاية حملى اللى كان فى خطر
خصوصا لان فى ناس كتير بتحاول تطمن الحوامل اللى الشهور الاولى
بنية خير
ويمكن لو مكنش حصل عندى فى محيط الاسرة حالة سقوط نتيجة الاهمال
مكنتش اهتمات انا ولحقت نفسى
نبدء بالاهمال
كانت قربتى حامل فى شهر ونص وبدئت تحس انها تعبانة مش وجع فظيع ولا حاجة
كان تعب عادى وهى قالت كده لنفسها واللى حاولها قالوا نفس الكلام ليطمنوها
وهى مقطعة نفسها فى شغل البيت
راحت للدكتورة بس للاسف كانت الساعة متأخرة
والدكتورة مرتضش تاخد حالة زيادة وقربتى برضو ماكنتش متصورة انها حالة سقوط
وكانت للحظ السئ كل العيادات الاخرى خلصت شغل
وعلى الفجر كان البيبي نزل للاسف
الاهتمام
نفس الموقف يتكرر معايا حسيت بوجع اسفل بطنى رحت للدكتورة قالتلى
البيبي نازل لتحت ومحتاجة راحة تامة وكتبتالى مثبت حمل
ومن حظى السئ انه كان ناقص فى الصيدليات وقعدت 3 ايام من غير المثبت
وفى اليوم التالت اختى دورت علية فى كزا صيدلية لحد ماجبته
بس بدء ينزل عليا مية انا كمان نزلت مرتين مع انى استريحت خالص
لكن ربنا كريم وحافظلى على حملى
انا غرضى من الموضوع دة ان مفيش وحده حامل تستهون بأى تعب تحس بيه
خصوصا اول 3 شهور فترة تثبيت الحمل ماتسمعيش كلام يقولك ده عادى حتى لو عادى خلى الدكتورة
هى اللى تقول كده
حتى لو كويسة اطمنى على حملك لحد ما يثبت اهتمى ولا تهملى
ربنا يتم لكل الحوامل حملهم يارب
الغاليه صاحبة الموضوع
توضيح بس عشان اي حامل لا تنزعج
عادي جدا ينزل متك افرازات اول الحمل حتى لو سائله تشبة المياه
فرجاء لا نخلط بين مياه البيبي والافراز
مفيش حاجة اسمها ميه في اول شهر ونص والمياه بتتكون من بدايه الحمل ونحكم عليها جيدا من الرابع تقريبا
فالتالت اه بتتكون المياه وفالتاني كمان
ولكن بيكون كيس الحمل صغير جدااااا وحجم البيبي اصغر واضعق
فلما بقه تنزل مياه فشهر ونصص او حتي شهرين
متخيلين الوضع يكون كيف
دة اصلا بتكون نقطة ميه جواها ارزة
فلو لو لا قدر الله اللي بتنزل ميه يبقي خلاص الموضوع انتهي
الغاليه صاحبة الموضوع
لا اشكك فكلامك لكن امانتي تحكم علي التوضييييييح
اشكرك
فووفه فووفه 158670_2.gif فتكات متميزة Fatakat 158670 القاهره – مصر