السلام عليكم يا بنات
بصو اولا كدة الحمدلله ولله الحمد وقدر الله وما شاء فعل
انا والدة مرتين قيصرى اخر مرة من خنس شهور ونص
ولقيت نفسى حامل ف شهر وشوية لان اخر دروة كانت عندى يوم 246 واتأخرت لغاية ما رحت حللت لقيت نفسى حامل
ونفسيتى كانت وحشة اوى لان لسة والدة وملحقتش حتى اخف من الولادة
المهم يوم 28 حسيت ان انا تعبانة اوى وسخنت اوى وبترعش جامد قولت انام شوية نمت قومت على مغص جامد اوى
انا كان بقالى كذة يوم بيجيلى مغص طول منا نايمة بقول عادى يمكن تجمع الدم
المهم لمة نمت صحيت لقيت عندى دم وبيزيد رحت المستشفى
الدكتورة كشفت عليا وقالتلى لازم اعملك عملية دلوقتى عندك دم كتير
انا الصراحة قلقت لان منها علشان بقولها ممكن اخد حاجة تنزل الدم دة بدل العملية قالتلى لا يا ماما مينفعش
قلقت منها اوى وقولت اروح مستشفى تانية
رحت مستشفى تعتبر حكومية الدكتورة كشفت عليا قالتلى بصى يا ماما انتى الرحم عندك مقفول مينفعش ادخلك عمليات دلوقتى خصوصا انك والدة قيصرى وبقالك 5 شهور
هبقى بضرك لان علشان افتح الرحم هيتعبك انتى وهيبقى غلط عليكى جدا
قالتلى تعالى الصبح اعملى سونار مهبلى ونشوف لو اتفتح هنشوف نعمل اية لو لسة هديكى حاجة تفتح الرحم
المهم بعد ما مشيت من عندها الرحم اتفتح وكيس الحمل نزل
بس كنت تعبانة اووووووووى قولت اروح ارتاح واريح ظهرى شوية واروح لها الصبح
رحت كشفت تانى وعملت السونار لقيت الرحم من جوة مفتوح ومن بره مفتوح جزء
الدكتورة اللى عملتلى السونار قالتلى هتحتاجى عملية بس التقرير مكنش بيقول كدة لمة نزلت للدكتور كشف تانى قالى لا هديكى علاج ينزل اللى فاضل مش محتاجة عملية
انا كدة بقالى 3 ايام بس الدم بسيط اوى وحاسة ان الدم محبوس جوة مش عارفة استنى ولا اروح للدكتور بتاعى بقى
ولا هو كدة خلاص الدم بيصفى وكمان فى مية بتنزل مع الدم الخفيف
معلش طولت عليكو
OM LOGY.M OM LOGY.M 489543_4.gif فتكات رائعة Fatakat 489543 الاسكندريه – مصر