بـــسم الله الرحمن الرحيم
كيفكم حبيباتي … ان شاء الله تمام .. اليوم
حابه انقللكم صوره لاكلتنا اليوم من ايدين ماما الله يخليها يا رب
وهي محشي اللفـــت.. يا رب تعجبكم.. واذا عجبتكم لا تنسوو التقييـــــــــم ..
حصريا من فتكات المجنونة.
المقادير..
رز حسب الكميه
اللــــــفت
لحمه مفرومه (حسب كميه اللفت)
ملــــح
فلفل اسوود
بهارات مشكله
حبه بصل مفروومه ناعمه..
طحينيه
عصير الليمون
الخطوات
اول شي بنغسل اللفت منيح وبنقشره من جميع الجهات وبنشيل القمع
وبعد هيك بنحفرهم بحفاره الكوسه
وبعد هيك بنغسل اللفت من جوا بنحطه بمي ونغسلهم منيح
وبالنسبه ل لب اللفت بنحط عليه ملح وبنتركه فتره علشان تنزل المي ويروح المراره
وبعد فتره بنعصر لب للفت بايدينا وبنذبل البصله المفرومه ناعمه بطنجره وبنضيف اللب عليه بنخليهم شوي مش كتير بس انهم يتذبلوو وبنطفي عليهم
هسه نيجي ل الحشوووه
بنغسل الرز المنقوع مسبقا وبنضيف عليه اللحمه المفروومه وبنحط عليه الملح والفلفل الاسود والبهارات المشكله وبنضيف الزيت النباتي او السمنه كله حسب الرغبه
بعد هيك بنحشي اللفت وبنترك فراغ شوي لحتى ما يفتحو بالطبخ
بعد هيك بنحمي الزيت على النار وبنقلي اللفت من جميع الجهات
بنضع حبات اللفت المحمره فوق لب اللفت يلي ذبلناه وبنرش عليه ملح وبنظيف عليه المي بحيث ينغمره حبات اللفت وبنغطيهم وبنشغل النار تحتيهم
خلطه الطحينيه ..
نضع الطحينيه مع عصير الليمون والماء وسنين ثوم ناعمين كتير
وبنخلطهم مع بعض كويس وبالنسبه ل الحموضه حسب الرغبه
هاي صلصه الطحينيه يلي بيحب يحط
على حب اللفت يشربها بينحط عليه طعمه روووعه
ووهاي صوره للب اللفت….
وهيك بكون خلصت النقل المباشر ههه من مطبخ ماما يا رب يكون عجبتكم الطبخه يلا مستنيه ردودكم وتقيييييم يا اموورات
بحبكم بالله…فتكات المجنونة
مواضيع هذا القسم برعاية
فتكات المجنونة فتكات المجنونة 60356_102.gif برنسيسة فتكات Fatakat 60356 في كل مكان جميييييييييييييل – الاردن