안녕하세요
انيو ها سا يو
يعنى هاللو بالكورى
عاملين ايه يافتووووووكات ??
بصوا بقى انا بمووووووووت فى الصينيين والكوريين بجد بحبهم
جدا جدا جدا جدا جدا
جداااااااااااااااااااااااااا
بجد شعب راااااائع فى كل حاجه
تقدم
نظام
كل حاااااجه
ما شاء الله عليهم
كفايه كده
عشان انا لو اتكلمت عليهم مش هسكت ندخل فى الموضوع بقى
بصوا انا عمرى معملت اكل
اخرى بسلق بيض وياريته بيطلع مسلوق بيطلع مشوى ومحروق
اه والله
عمرى مسلقت بيض
الا وسمعته بيطرقع فى السقف
عشان كل مره بنساه
والمايه بتعته تخلص
واسمع صوت حاجه بطرقع 
اعرف بقى ان كده خلص واروح طافيه عليه
هتقولوا طبعا
طب هناخد ازاى من البت الفاشله دى وصفه? وجايه فى القسم المحترم بتاعنا تعملى ايه! يافاشل يافاشل
هقولكم بقى
انى لما باخود وصفه من النت بمقاديرها بالظبط بعملها زى مااتقالت
وبتطلع تحححححححححفه بجد
وبقيس كل حاجه بالسنتيمتر
ماما بتبقى هتتجن منى لما بقف فى المطبخ
المهم
انى بعرف اعمل اكل بس لو وصفه مكتوبه بمقاديرها كده والطريقه بالظبط بالظبط
بطلعها زيها تمااااااااما والله
ما شاء الله عليا يعنى
انا بقالى كام اسبوع كده بجرب اكلات
ووالله بتطلع تحححححححححفه
فى البيت بيبقوا مش مصدقين
وبيبقوا عاملين كده بالظبط
هبطل رغى اهوه خلاص
معلش كان لازم انقلكم تجاربى بحذافيرها
اصلى تقريبا
اول مره اكتب وصفه فى القسم ده
على طول بدخله اخد وصفات
واشكر الفتوكات اللى عاملينها واقيم طبعا وبس كده
فعايزه حقى بقى
و ياااارب اكون ضيفه خفيفه عليكم
اتفضلوا يافتوكات خدوا ال 키스 ( البوبو )
دى
و يلا ندخل بقى على الوصفه
Let’s start
طريقه عمل الرز الصينى المقلى
المقادير :- 
2كوب رز بسمتي
ملعقة صغيرة ثوم و زنجبيل مهروسين
2 ملعقة طعام زيت
كوب خضروات مشكلة
ملعقة صغيرة خل
ملعقة صغيرة صويا صوص
ملعقة صغيرة سكر
2 ملعقة صغيرة تشيلي صوص
2 ملعقة صغيرة كاتشاب
2 ملعقة صغيرة زبدة
1 ملعقة صغيرة ملح
طبعا الشيلى صوص اللى هوه :-
الكاتشب الحار
مكنش عندنا بقى
عملتى ايه طب ياشيف كوكى ??
هقولكم
جبت شويه صلصه على شويه مايه على شويه شطه وقلبتهم بس كده
بالنسبه للصويا صوص :- الغامقه افضل وطبعا هاينز احسن حاجه
بقولكم كل حاجه بالتفصيل اهوه عشان انا ضقيقه جدا معلش
الطريقة :
هتسخنى الزيت فى الطاسه
وتحطى الثوم والزنجبيل والخضروات المشكلة وتحمريها كام دقيقه
ولما تبقى نصف مستويه كده
هتحطى الخل وتقلبى كويس
وتحطيها على جنب
وتروحى جايبه حله وتحطى فيها الزبده وتسخنيها
وتحطى الرز وتحمريه دقيقتين
وبعدين تحطى كوبيتين المايه وشويه ملح وتسيبيهم يستووا
تمام كده
هتجيبى طبق وتحطى فيه
السكر
و الكتشب
و التشيلي صوص
و الصويا
وتخلطيهم كويس وتحطيه على جنب
نروح للرز بقى
بعد مايستوى تحطى عليه الخضروات والخلطه بتاعت الصويا دى اللى عملناها وتقلبى كويس وتقفلى غطه الحله على طول عشان البخار ميطلعش
والافضل لو كانت حله تيفال بقى
وبالهنا والشفا
ها ايه رايكم ??
يارب تكون الوصفه عجبتكم
والمره الجايه
هصورها وهجبهلكم هيه والتبنياكى الصينى وهيعجبكم جدااااااا برضه
مستنيه ردودكم وتقيييييييييماتكم
ده لو الموضوع عجبكم
안녕히 가세요
انيونج هى كاشيبشيو
يعنى باى
مواضيع هذا القسم برعاية
strawberry244 strawberry244 298541_144.gif فتكات غالية قوي Fatakat 298541 fatakat 🙂 – Fatakat 🙂