السلام عليكم ورحمة الله وبركاته
ده اول موضوع ليا وفكرت فيه علشان افيد وكلنا نفيد اى حد يعرف سبب قلة كمية البريود بعد ما بقت قليلة عن معدلها الطبيعى
انا حصللى كده و طنشت وقلت طالما بتيجى خلاص مش مهم تيجى قليلة والا كتيرة المهم انها تيجى وخلاص
واكتشفت بعد كده طبعا انى غلطانة 100 %
الاول كانت منتظمة وبتيجى كل 28 يوم و كميتها طبيعية زى ما كانت بتجيلى من صغري وبعدين من سنة ونص تقريبا بدات تقل وبعدها بدات متجيش فى ميعادها وانا عند تصميمى طالما بتيجى خلاص
المهم رحت لدكتورة قبل جوازى بكام شهر وقالتلى هديكى فيتامينات و ممكن تعملى سونار لو انتى حابة تعمليه
قلت لنفسى انا همشى على الفيتامينات وبس
وبعد ما اتجوزت البريود برضه بتتأخر وافتكره حمل والاقيها فى الاخر شرفت
رحت لدكتورة وعملت تحاليل قالتلى عندك تكيس فى المبايض وهو السبب فى قلة كمية البريود و تأخيرها ومأخرة الحمل
دلوقتى يا فتوكات الى كان عندها وعندها كمية البريود قليلة تقولنا لما راحت للدكتوة قالتلها ايه علشان نقدر نفيد اى حد عنده الحكاية دى
semsem21 semsem21 272487_1.gif فتكات ست الكل Fatakat 272487 cairo – egypt