السلام عليكم
ازيكم يا بنات
انا حامل فى اول اسبوع فى الشهر السادس وكنت عند الدكتوره امبارح وقلقتنى اوى
قالتلى ان الميه حوالين البيبى كتير زياده عن اللزوم وطريقتها ف الكلام كده مريحتنيش حسيت انها مخبيه حاجه ومش عاوزه تتكلم
وقعدت اقولها طب ده حاجه وحشه يعنى يعنى ولا ايه؟؟….قالتلى لا عادى بس كده لما تقولى لحد انك ف السادس هيفتكرك بتضحكى عليه علشان كده شكلك ف السابع
قلتلها نا مش فاهمه انا اصلا بطنى صغيره ومحدش مصدق انى ف السادس اصلا فاكرينى لسه ف التالت
قالتلى الميه كتير جوه ورفعت الرحم لفوق وهوه المفروض الفتره دى يكون الرحم ماشى كبر بس مستوى الارتفاع بتاعه يادوب عند السره …وانا عندى الارتفاع بادى من تحت صدرى علطول
انا حسيت الموضوع سهل وعادى بس لما رجعت البيت عملت سيرش عالنت لقيت بلاوى وحسيت الموضوع مش سهل ولا حاجه
لقيت ان الزياده دى ممكن تكون من غير سبب بس ساعات بيبقى ليها اسباب وهيا لاقدر الله ان البيبى يكون عنده تشوهات داخليه
ولقيت كمان ان ليها مخاطر انها ممكن تدخل للبيبى وتأذى الرئه بتاعته وكمان بتعمل ولاده بدرى عن الميعاد وممكن لا قدر الله تعمل نزيف بعد الولاده
انا من امبارح مبطلتش عياط ومش عارفه اعمل ايه ومش عارفه انام
اروح لحد تانى ولا ايه
هيا الدكتوره شاطره وكل حاجه بس انا مشوشه جدا ومش عارفه افكر خالص
سعدونى يابنات بالله عليكم واللى ليها تجربه ف الموضوع ده ياريت تطمنى وتقولى عملت ايه
وف الاخر عاوزاكو كلكو تدعولى انى مشوفش حاجه وحشه ف ابنى واطمن عليه وربنا يجيبهولى بالسلامه يارب
شكرا ليكم واسفه للاطاله
moon_light_803 moon_light_803 24171_5.gif فتكات ست الكل Fatakat 24171 قلب – حبيبى