ياجماعه انا حامل فى الشهر السادس
ووانا فى الشهر الرابع حلمت انى اشتريت كبش صغير وكان اسمه طه
ورحت للدكتور اسأله على وع البيبى قالى مش باين بس ممكن بنت
ووانا فى الشهر الخامس حلمت انى حائض
ومعناه انى حجيب ولد وانا حاسه انه ولد
ورحت للدكتور قالى مش باين انتى مستعجله على ايه بس تقريبا بنت قلتله اصلى عايزة ابتدى اشترى فى الهدوم
قالى مش حتفرق الهدوم من ولد لبنت قالتله البنت بمبى والولد لبنى قالى مش شرط هاتى اخضر ابيض اصفر بيليق ولد وبنت قلتله انت مش بتقول بنت فقلى انتى مغلبه نفسك ليه منتى بكرة تولدى وتشوفيه قدامك قلتله بس الوحده بيكون عندها فضول
قالى خلاص بنت
انا الحمد لله ربنا عطانى بنت وولد زى الاقمر شهد وياسين
بس انا عايزه اعرف حتجن عماله اسأل وادور اللى يقولك الولد بيكون الام شكلها مش عارف ايه
واللى يقول البول بيترسب ازاى واللى يقول ميه الكرنب الاحمر لما اجنيت وجننت جوزى معايا
وانهارده من شويه كنت عند الدكتور وسأله جوزى ولد ولا بنت قاله انت عايز ول عشان كده بتسأل قاله عشان مراتى حاسه انه ولد وحلمت انه ولد وانا واثق فى احسسها واحلمها مش بتخيب ابدا وانا واثق فى كلامها
قام الدكتور يقولى انتى لو بنت حتسميها ايه ولو ولد ايه قلتله لو بنت جورى ولو ولد طه قالى اشمعنى طه ده اسم تقيل قلتله لان ربنا بشرنى بيه فى الحلم قالى طب متسمى حمزة قلتله المرة الجايه بقى مش المرادى بنت
قالى ااااااااه بنت
وراح مقفل السونار وقالى كله تمام راح جوزى قاله طب ورينى بنت ازاى وبيبان ازاى قاله المره الجايه
قاله مره جايه ايه يادكتور دى فى السادس وقربت تولد وفى ناس بتعرف من الثالث وهى بجد الموضوع ده موترها
قاله اصل الناس الللى بتحب تسأل كتير مش بريحها وبحب اعذبها عشان بنت ولا ولد وكله خير جوزى قاله ماشى الحمد لله بس عايزين نعرف الصراحه قاله طب ولد قلتله انت حتجننى ولد ولا بنت ضحك وقالى انا حروح اصلى المغرب قلتله بالله عليك وحياه صلاتك اللى بتصبيها ولد ولا بنت قالى ولد قلتله امال بتقول بنت ليه واترفزت لما جوزى شفنى اتعصبت قالى يلا بينا وشدنى وانا متغاظه قالى بكرة اودبكى عند دكتور تانى وانا قاعده لحد دلوقتى بغلى ومتغاظه وضيقه
shahd_yassen55 shahd_yassen55 555198_2.gif سوبر فتكات Fatakat 555198 الاسكندريه – مصر
سبحان الله و بحمده