السلام عليكم ورحمة الله وبركاته
بجد محتاجالكوا ومحتاجه لدعواتكوا .. ويارب يكون هنا حد يعرف يرد على اسئلتى دى
الرحله بدأت من سنتين تقريبا
اول ما اتجوزت .. حملت على طول الحمدلله .. وبعد 9 شهور ولدت وكانت ولاده قيصريه .. بعدها بـ 9 ايام ابنى مات … و قبل ما اخلص الـ 40 .. بيومين جالى نزيف واتعالجت وكلو بقا تمام .. الحمدلله على كل شىء
بعدها بـ 4 شهور حملت تانى بس المره دى الحمل كان ضعيف والنبض مظهرش لغاية الشهر التالت .. واول ما اخيرا لقينا نبض ف نفس اليوم نزل عليا دم ورحت للدكتور وقاللى الحمل بدأ ينزل .. اخدت دوا والحمل نزل ورحت للدكتور وعملى تنضيف … وبرضو قبل ما اخلص الـ 40 بفتره جالى نزيف تانى .. وبرضو خدت دوا والنزيف وقف
جيت بعدها بشهر او اتنين حملت ..الدوره مجاتش ف اليوم اللى كنت حاسباها فيه .. عملت تحليل حمل وطلع ايجابى .. كنت حامل يعنى .. وبالظبط بعد اسبوع نزل دم وخلاص الحمل نزل … بس الدوره قعدت عندى اكتر من كل مره .. والمفروض انها ف الاخر بتبدأ تقل .. لا دى كانت بتزيد ف عرفت انو اكييييييييييييييد زى قبل كدا وانو نزيف واخدت دوا النزيف (( متعوده دايمااا ))
المهم
الحمل لما نزل اخر مره كان الشهر اللى فات . كان بالظبط يوم 24/3 .. وانا دورتى منتظمه كل 28 يوم .. يعنى المفروض يوم 21/4 الدوره تيجى
يوم 15 او 16 كدا حسيت باعراض الحمل اللى ببقى احسها وحسيت انى ممكن اكون حامل .. جبت تحليل حمل وعملته لقيت شرتطين .. بس الشرطه بتاعه الحمل خفيفه اوى ..
مصبرتش وطلعت جرررررررى ع الدكتور وقلت له .. قاللى بس المفروض انك تعرفى انك حامل بعد معاد الدوره مش قبلها بخمس او ست ايام ..المهم شاف بالسونار ملقاش حمل .. قاللى مش شايف حاجه. وعملت اختبار تانى عنده لقيت برضو الشرتطين موجودين
ادانى مثبت ( حقن * كبسولات مدوره كدا ) وباقى الادويه بتاعه الحمل وقاللى بعد اسبوع بالظبط تعالى
اول ما روحت من عنده لقيت حاجه بنى كدا نازله .. حاجه بسيطه خالص .. كلمته قاللى خدى كل الدوا ومتاخديش الحقن .. ولو نزل دم تعاليلى ولو منزلش تعالى ف معادك
رحت النهارده للدكتور ف معادى الدكتور كشف بالسونار ملقاش حاجه برضو بس قال فيه كيس على المبيض .. ويمكن ده اللى بيدى الاحساس بالحمل وعشان كدا اختبار الحمل بيطلع ايجابى
!!!!!!!!!
سألته قلت الكيس ده خطر ولا حاجه قاللى لآ ده كيس مفيهوش اى خطر خالص
قلت له طب هى دى التكيسات اللى بيقولوا عليها … قاللى لآ طبعا مش دى خالص
قلت له طب انا سمعت ان ممكن يكون فيه حاجه اسمها حمل خارج الرحم ممن يكون ده .. قاللى لو كدا هتحسى بمغص جامد وهينزل دم .. او كنت هشوف دم ف الرحم وانا بكشف بالسونار
انا مش عارفه انا مالى .. حد يجاوبنى
بالله عليكوا ادعولى . … وجاوبونى
ولو فيه طبيبه تطمنى
rozetta rozetta 440564_3.gif سوبر فتكات Fatakat 440564 دمياط * المنصوره – مصر