السلام عليكم ورحمة الله وبركاته
ازيك ياام كرش انتى وهى وهى
نبدأ موضوعنا
ب بسم الله ثم الدعاء يارب كمل حملنا على خير وارزقنا الذريه الصالحه السليمه المعافاه الجميله خلقا وخلقا تكون قرة عين لنا ولازواجنا
وارزق كل مشتاقه للحمل الذريه الصالحه عاجلا غير اجل
امين امين امين
ندخل فى الموضوع
احنا جايين هنا ندردش فى اللى حصلنا ياشابه
طبعا كلنا عارفين ان التغير الكبير فى الهرمونات فى فترة الحمل بيغير كتير فى شكلنا وطبيعة وشكل جسمنا وبشرتنا وكمان نفسيتنا ومعناوياتنا خصوصا لو اول حمل
موضوعى هنا لكل حامل بكرش مناخيرها كعبرت وشكلها اتغير شعرها وقع واتقصف وجف وبشرتها زادت حساسيتها ونظرها ضعف واسنانها وجعتها وطبعا مش هنسى وجع الظهر والرجل
ها كفايه كدا ولا ايه؟
تعالو ندردش شويه ونقول الحمل اثر علينا فى ايه وطبعا كل واحده على حسب طبيعة جسمها يعنى فى ناس حصلها كل اللى قلته ده وناس حصلها منه حاجات وناس حصلها اكتر من كده طبعا الحمد لله مااحنا مش هنبقى امهات بالساهل …مش كده ولا اييييييييييييه؟
انا عن نفسى اول ما بدات اعرف ان الحمل بيغير فعلا فى شكل الام كنت فى الكليه لما كانت زميلتى متجوزه وحامل وفى شهورها الاخيره ومع ظهور بطنها حسيت ان ملامحها اتغيرت كانت اموره قبل الحمل لكن فى الحمل اوحشت وعرفت ان ده بسبب الحمل
فى ناس بيقولو البنت بتحلى مامتها والولد بيوحش وناس تقول العكس بصراحه ده مش كلام علمى ومش اكيد
هو الاكيد ان لو الجنين بنت بتزيد هرمونات الانوثه عند الام
وانا شعرى طول فى الحمل وبيقولو بنت لكن اتقصف وضعف وبشرتى بقت حساسه جدا وشكلى اتغير عن الاول اكيد للاوحش هههههههه
انا حامل فى بداية التامن وبيقولوا بنوته
بقيت ابص فى المرايه الاحظ حاجه متغيره لكن مش قادره احدد ايه هى وحاسه انى كنت الاول اجمل
بس قولت تهيؤات
لحد ماقابلت صحابى فى بداية الحمل وبعدها بفتره قالو ان شكلى اتغير ومناخيرى كبرت
سالت جوزى ضحك عليا بكلمتين قالى لاه بيضحكو عليكى داانت قمر زى ماانت لحد ما سدقته
لحد الصدمه الكبرى بقى الراجل بقى ماسك موبايلى وبيتفرج على صورى ايام الخطوبه والاقيه بيقولى
كنتى حلوه اوى واموره وانتى فى بيت بابا ايه رايك ارجعك هناك تانى
طبعا انا اتقهرت وبقيت عامله كده يعنى ايه يعنى يعنى انا دلوقتى متنيله ومزفته يعنى بينى وبينكو
الكلمه وجعتنى اوى بس هو واخدها بهزار وماحبيتش اقفش مع انى اتجرحت اوى
ها يلا ندردش مين معايا فى نفس الموال ده ومين جربته وهنرجع تانى امامير بعد مانفش ولا خلاص كده نبكى على اللبن بالبسكوت
كل كروشه تقولى الحمل عمل لها ايه ورجعت لطبيعتها بعد وقت اد ايه
ويارب يرزقنا بساعه سهله واطفال ربنا هاديهم
ام عمار(وقولوا للناس حسنا) ام عمار(وقولوا للناس حسنا) فتكات هايلة Fatakat 12632 بلاد الله – بلاد الله