السلام عليكم ورحمه الله وبركاته
انا كنت متابعه معاكو من فتره .. كان بقالي 9 شهور متجوزة ومكنش في اي حمل ولا اي مشكله تمنع الحمل عندي كانو شويه افرازات ومعظم الدكاتره اكدولي انها مش التهابات ولا اي حاجه وكنت باخود علاج الدنيا والاخره علي اساس انها التهابات و في دكتور منهم عطاني منشطات لمده 3 شهور وبردو مكنش بيحصل حمل .. وانا الحمد لله البيريود عندي منتظمه جدا طول عمري
المهم . . فكرنا ان جوزي يروح يحلل عشان نطمن اكتر … وهنا كانت المفاجأه "" عدد الحيوانات المنويه صفررررررر"" وفي تحليل ادق رقمي طلعو ربع مليون واحنا بنسمع ان الطبيعي لا يقل عن 20 مليووون
المهم بعض ايام العياط والنواح ان مش هيبقي عندنا بيبي راح جوزي لكذا دكتور وكلهم قالو علاج 3 شهور ونشوف بعدها ال هيحصل والعلاج كان غالي جدا
في واحد فاتح محل بتاع علاج بالاعشاب وعسل وحاجات من دي لكل الامراض ف قولتله نجرب دا الاول انا بؤمن بالعلاج ال بالطبيعه دا وبعد ما اقنعته جاب العلاج وكان عباره عن عسل محطوط عليه خلطات غريبه كدا وحاجات تتشرب قبل الاكل وحاجات بعد الاكل
المهم انتظم ع العلاج دا لمده الشهر المطلوب وحلل تاني العدد زاد 10 اضعاف ماكان عليه ومع ذلك العدد لسه محصلش الطبيعي
فرحنا وقولنا نستمر عليه كام شهر تاني وهو بالتاكيد هيزيد مع العلاج
وانا كنت مريحه بالي الشهر دا من متابعه تبويض وتنشيط وبتاع
والحمد لله خلص شهر العلاج من هنا والبيريود مجتليش من هنا .. فات يوم والتاني والتالت والرابع
المهم روحت حللت ف معملين والله والحمد لله الحمد لله طلع في حمل ونسبته عاليه كمان
دي تبقي معججزة ولا مش معجزة؟؟؟؟
مفيش حاجه بعيده علي ربنا سبحانه وتعالي
شيمااء تامر شيمااء تامر 602409_2.gif فتكات حبوبة Fatakat 602409 اسكندريه – مصر