ازيكو يا فتوكات بصوا انا طبعا استفدت من المدونة كتير وببقى سعيده جدا لما حد بيطلب منى معلومه عن اى حاجه واكون عرفاها واساعده فيها
انا دوخت كتير على دكتوره حلوة المهم روحت لدكتوره هنيه السيد هى عيادتها فى جسر السويس وانا جبتها من على المدونة هنا بصوا يا جماعه انا اترددت كتير قبل ما اكتب الموضوع بس والله فعلا انا قولت اكتبه لوجه الله عشان لو حد هيبدا يتابع معاها يقرا الموضوع وبعدين يقرر وطبعا ديه تجربتى الشخصيه معاها جيت اقولها ليكو لا اكتر ولا اقل يعنى ما فيش بينى وبينها اى علاقه شخصيه وممكن تكون ناس كتير راحت ليها وبتابع معاها وماعملتش معاهم كده
انا طبعا جيت رقمها من على المدونة وكلمتها 3 مرات تقريبا وما كنتش اعرف ان ده رقمها الشخصى اساسا ان فكراه بتاع السكرتيره وبقيت اتصل لما اعوزها على طول على الرقم ده اول مكالمه معاها اتصلت بيها وهى ال ردت بقولها لو سمحتى هى الدكتوره هتيجى انهارده عشان انا هاجى من مكان بعيد فعوزه اتاكد اذا كانت هتيجى ولا لاء ؟؟؟؟؟؟ المفروض ترد تقول ايه مثلا تطمنك ايوه جايه ا شاء الله والكلام ده ؟؟؟؟ كان ردها ايوة يعنى من مكان بعيد فين يعنى ؟؟؟؟؟؟؟؟؟؟؟ بنفس الطريقه كده قولتها من كذاااا …….. قالتلى وهى كذا ………. بعيد بصراحه انا اتصدمت من طريقه كلامها معايا مش ذوق ابدا ابدا ابدا وقولت ما فيش مشكله هى اكيد عندا ضغوط شغل ومشدوده ولا حاجه وقولت لنفسى التمس لاخيك 70 عذرا
روحت العياده اكتر حاجه بتميز اى دكتور السكرتيره ال هناك وطريقه المقابله وتنظيم المواعيد روووحت لاقيت لسكرتيره قاعده بتتكلم على قد الكلمه وما فيش اى نظام وما تعرفيش انتى بتتدخلى هناك بالدور ولابالحجز ولا ب ايه ؟؟؟؟؟؟؟؟؟؟؟؟؟؟ ما فيش اى نظام
دخلت للدكتوره كلامها عادى بس برده الانطباع الاول ليه من اول مكلمه وكدبت نفسى برده (((( قله الذوق )))) اتكلمت معاها وكشفت ليه سونار مهبلى وده عرفت فى الاخر انه افضل من السونار على البطن يعنى شاطره انا بقول كل حاجه عشان اكون صادقه معاكو وكشفت ليه على النبض
ده اول حمل ليه وانتو عارفين اول حمل بتبقى الواحده حاسه باحاسيس كتير واكتر احساس الفضووووول كنت نفسى اعرف انا ا شاء الله هولد بنت ولا ولد سئلتها امتى يا دكتوره هعرف نوع الجنين قالتلى لسه بدرى قولتلها ايوة انا عارفه بس امتى يعنى ماااااااا ردتيتش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كان مفروض ليه معاه متابعه يوم 17_2 وروحت العياده والدكتوووووووووووووووووووووووووووووووووووره مش موجوده وكانت فى سفر رغم انها مديانى المعاد ده من باب الذوق انها تبلغ السكرتيره على الاقل ال مواعدهم يوم ال 17 مثلا او بعد كده ممكن الدكتوره تتاخر او ما تجيش تقول لينا نبقى عاملين حسابنا مع العلم يا جماعه انا ساكنه فى الدور التاسع وما فيش اسانيسر وبتعب جدا من السلم وهى بنفسها ال قالتلى ما تنزليش السلم المهم انا كنت تعبانه جدا روحت البيت
وتاتى يوم اتصلت بيها لان السكرتيره قالت انها هتيجى تانى يوم اتصلت هى ال ردت عليه قولتلها الدكتوره هتيجى انهارده اكيد قالتلى اه انشاء الله قولتها تمام عشان بس جيت امبارح ومش لاقيت حضرتك قالتلى جايه المهم جووووووووووووزى لما جيه قالى قبل ما ننزل نتصل بيها تانى نتاكد عشان ممكن ما تجيش وانا بقى مش فاضى المهم اتصلنا ردت هى قالتله هو مش حضرت الرقم ال كلمنى الصبح قالها ايوة بس زوجتى ال كلمتك احنا بس بتاكد ان حضرتك جايه وبعدين انا غلطت فى حاجه انى اتكلمت انا عاوز اعرف حضرتك هتيجى رااااااااااااااااااااااااااحت …………………………مسرخه فى وشه وقالتله والله جايه ارحموووووووووونى بقى انا لسه جايه من سفر وتعبانه ؟؟؟؟؟؟ انا صوعقت والله حسيت انى مش بكلم دكتوره اساسا وجوزى اتصدم اساسا وتنحنا لبعض ؟؟؟؟؟؟؟؟؟؟
من ساعتها قولنا هنروح الاستشاره ومش هنكمل عندها تانى روحنا انا كنت عارفه انها هتكشف ليه سونار مهبلى ف ما شربتش ميه كتير لانها المره ال فاتت خلتى افضى كل الميه وكشفت سونار مهبلى فقولت مش لازم دخلت ليها فضللت تحاول تشووووووووووف حاجه بسونار البطن ما عرفتش حاولت كتير قولتلها هو غلط المهبلى قالالى لا مش غلط ((((( كانت بتستسهل مش عاوزه تتعب نفسها ))))) والمره ال فاتت كانت بتطلب منى اقلع رجل من البنطلون و الرجل التانيه لا المره ديه دخلت على طول وقااااامت على طول ؟؟؟؟؟؟؟؟؟
المهم واحنا مشين جوزى قالها على فكره متشكر جدا لذوق حضرتك انك قفلتى فى وشى السكــــــــه راحت انتبهت كده ولاااااااااقينا صااااااااااروخ اتفتح :::: انا ما قفلتش فى وش حد السكه انا لسه جايه من عمره وما نمتش وعندى عيال ومشت كام كيلو مشى ولو مش عاجب حضرتك تتابع معايا ما فيش اى مشكله روحت قولتها اوك يا دكتوره شكرا السلام عليكم وسبناها
انا نفسى اوجه كلمه لكل دكتووووووووووووووووور وكل مهندس شايفين نفسهم هما حاجه كل البشر دول حاجه تانيه خالص و حاسين نفسهم هما بس ال عندهم مشاغل وعندهم مسؤليات والله احنا كمان عندنا مشاغل وعندنا ظروف واحنا كمان بشر مش انتو بس ال بشر ال مطلوب مننا اننا نعذركم وانتو ما تقدروش ظروفنا ومرضنا وبعدين احنا مش بنشحت منكو احنا جيين ودفعيييييييييييييين فلوس يعنى ما فيش حد احسن من حد والحمد الله بجد انى ما طلعتش دكتوره على الاقل عندى ذوق وتقدير للناس مع العلم ان مش كله كده بس بجد الاغلبيه كده
ديه تجربتى يا جماعه بكل امانه ولو حد شايفها مش كويسه ف ده ن وجه نظره هو حر الكلام ده من وجه نظرى انا وتجربتى معاها
نظره مختلفه نظره مختلفه 615226_5.gif فتكات ست الكل Fatakat 615226 القاهره – مصر